[kolen]

قبل بداية كلام انا داخل اسلم عليك .. لأنك من الشخصيات المحترمة الي اتعاملت معاها .. صحيح محصليش الشرف وقابلت حضرتك .. بس يكفي انك شخصية عندها وعي .. وقراية كويسة للأمور والتعامل معها

انا كنت مسافر فترة ولسة راجع ووحشتني الجيم وقولت ادخل ابص بصة علي القسم .. وبفكر اشتري اكونت

لكن قريت وشوفت شوية مواضيع ضايقتني جدا

لاحظت ان يوجد مجموعة من الاخوة العرب قررو يشاركونا المنتدي والقسم وعمل علاقات جيدة مع المصرين من خلال شراء اكونتات وايتم .. ومع اني متاكد وحط تحتها 100 خط انهم كانو كويسين جدا في التعامل مع اعضاء القسم (شراء - بيع ) وعرضهم اسعار ممتازة .. وجدية في التعامل

الا انهم اتعرضو للمثل الشهير ( اتقي شر من احسنت الية )

ما شاء الله لسة شايف موضوع واحد مبدل اكونت فاضي بأكونت فاضي وواخد نوفا شيلد + ديفيل سبريت وكمان بيهدد

والتاني بيهدد العضو انو هيكتب ID AND SECRETE في جلوبال

يعني احنا قولنا الثورة هتغير حاجات كتير مننا وهنفتح صفحة جديدة مع اخواتنا العرب .. الناس مش قادرة تفهم

ان تصرفاتنا هنا في المنتدي او في اللعبة بتعكس صورتنا برة عند الاجانب والعرب

الاخوة العرب معروف عنهم بالطيبة والشهامة والكرم .. لكن مينفعش نستغل كرمهم ونجعلهم يندمو في التعامل معانا

وفالنفترض يا اخي الفاضل ان العضو الخليجي فالنفترض : انو ضحك عليك .. فين اخلاق المصرين .. فين الشهامة .. فين الجدعنة ... فين الروح الحلوة

فين جملة فداك 1000 لعبة ويكفيني التعرف علي شخصية مثلك .. هل هنخسر بعض بسبب ديفيل ولا بسبب 100 - 200 مليون جولد الي مبقاش ليهم قيمة

معلش وانا اسف في التعبير النهاردة مفيش حد بيشتري في سيلك رود اكونت بي 1000 - 1400 -2000 جنية

الناس دي بتشتري وبتدفع وامينة في التعامل يعني اضعف المثال لو انتا مش عايز تبقي كويس ومحترم عشان اخلاقك .. علي الاقل انتا لو معاك جولد ولا اكونت وعايز تبيعو بسعر كويس الناس دي هتشتري منك بدون لف او دوران

بجد انا مضايق من كام مشكلة الي حصلت في القسم

وبتمني من اخواتنا العرب عدم الاعتقاد ان هذة هيا اخلاق المصرين ... في اي بقاع الارض يوجد الصالح والفاسد

فا مثل ما رائيتم اعضاء تقوم بالتهديد والتعامل بافعال صبيانية .. فا يوجد الكثير من الناس المحترمة مثل Qanas و B0