[°•.♥ H3ll King ♥.•°]

والرحلة اتلغت والحمد لله و بعد إسبوع ... ونتفق .. و ...

OverHell : ألو .. H3ll King .. ايه جاهز ؟

H3llKing : إنت تاني !!

OverHell : لا المره دي سوق إنت .

H3llKing : وهو كذلك إتصل بالتانيين ..

OverHell : ماشي جهز نفسك
بعد قليل ..
OverHell : إزيك يا معلم .. إيه جاهز تاني ولا ايه ؟

Ghost Home : لا يا عم حدا الله ..

OverHell : لالا أنا عامل حسابي و H3llKing الى هيسوق و جايبين عربيه مطوره فيها حمام من ورا !!

GhostHome : بجد ولله ؟ ولا هاجي واعملها في السكه زي المره الى فاتت

OverHell : لا متخفش .. ده انت عزيز عليه
بعد قليل

OverHell : ايوه يا هيثم .. جاهز ..

Hema : جاهز من بدري يا عم .. يلا ده انا النهار ده هعمل بيكم شوية حركات ..

OverHell : لا يا عم .. أعوذ بالله .. هيل كينج الى هيسوق مش ناقصين ..

Hema : لا لا ده أنا ....

OverHell : بس يلا .. إخلص يلا

Hema : حاضر يا عم ... بس ولله هتندموا
بعد قليل ..
OverHell : يلا يا هيما ^^ مستنينك

King0FCream : هيثم الى هيسوق ؟

OverHell : لالا يا عم مش ناقصين وجع بطن .. هيل كينج

King0FCream : مشرف الفحص ؟ ولله شكله هيضيعنا ..

OverHell : عيب عليك ده كويس في السواقه ..

بعد التجمع في المكان الى مش معروف المهم اتجمعنا ...

يلا يا رجاله ..

H3llKing : ايه يابني لسه معملتش حمام ولا اييه

GhostHome : وأنا من إمتى بعمل حمام ؟

OverHell : لا الحقيقه عمرك ما عملت هيل كينج ده ظالم ..

Hema : يلا يا عم منك لوه هنفضل نتكلم اخلصوا يلا

King0FCream : ربنا يستر ولله انا خايف

OverHell : يا عم إسكت ابوس ايدك .. انت كل ما تتشائم كده مش بنكملها على خير

H3llKing : هتشوفوا احلى سواقه ولا حوادث ولا حاجه .

وماشيين ببطئ البطه أو الزحلفه بمعنى أصح

GhostHome : شد شويه يا عم عايزين نلحق

Hema : الله أكبر مين الى بيقول شد ده ؟ Ghost لالا مش مصدق

King0FCream : ربنا يستر يا عم .. بس شد شويه يا هيل كده مش هنوصل ولو بعد سنه

H3ll King : إنتم حرين..

ومشينا بسرعه طبيعيه ..

وبعديها تليفون بيرن ..

OverHell : مين الى حاطت نغمة هيفاء عجرم ده ؟

H3llKing : دي هيفاء عجرم يا جاهل رد يا هيثم ..

Hema : ولله ما تليفوني يا عم

الله امال بتاع مين !!

واحده من ورا الكنبه .. ايه يا عم منك له وجعتوا دماغنا

( فرمله جامده )

H3llKing : إنتي مين ؟

Hema : إنتم اتفقتوا مع بنات ولا ايه ؟

البنت : ايه يا عم انت احترم نفسك ..

King0FCream : إي .. إي .. إنتي مين حضرتك .؟

البنت : أنا إسمي نانسي ..

OverHell : شكل الرحله هتحلو ... أقصد .. إيه الى جابك هنا يا أنسه نانسي ؟

H3llKing : إنت لسه هتسألها يلا يا بنت انزلي من هنا

البنت : إنت مالك إنت ..

وتطبطب على كينج ..

البنت : انا مع الأمور ده ..

King0FCream : ولله ده من زوقك ..

البنت : انت مستقل بنفسك ولا ايه .. بقول لك ما تيجي نطلع انا وانت وسيبك من العيال دي

OverHell : طيب ما تريحوا ورا شويه ..

GhostHome : أنا عايز اعمل حماااااااااام !!

Hema : منك لله يا بعيده فكرتيه بما إبتلاه الله ..

H3llKing : يا عم خدها وإنزل البنت بتموت فيك

King0FCream : لا إنتم مستقصدني بقى .. يلا يا نانسي إمشي إنتي .. ( يعطيها عنوانا في ورقه من غير ما نأخد بالنا )

البنت : حاضر يا زوق .. حاضر يا محترم .. حاضر يا برنس ..

H3llKing : متخلصي يا بنت وجعتي دماغنا ..

البنت : بس يلا

H3llKing : حاضر يا طنط

Hema : طنط .. إمشي يا بنت الـ .. من هنا يلا يا بنت

البنت : حاضر يا عمو ..

GhostHome : ولله البنت كده ظلمناها ده .. كانت عايزه تقضي معانا

OverHell : يا عم إحترم نفسك ده إنت كنت هتعملها على نفسك !!

GhostHome : انا !! ؟ إمتى ده ؟! ما ترد يا عم هيل كينج

H3llKing : معلش العيال دي بتظلمك محدش فاهمك قدي

Hema : يلا متوجعوش دماغنا يلا بقى ..

تليفون بيرن ...

H3llKing : شوف يا عم يمكن هيفاء طلعا من ورا الكنبه

King0FCream : لا يا عم ده تليفوني

OverHell : حد يحط مسرحية العيال كبرت رنه

H3llKing : ماهو مش لابس جلبيه مقطعه من فراغ

OverHell : مين يا عم ! ؟

King0FCream : دي القطه بتاعتي بتقول إنها وصلت .. قبلنا

Hema : .........

Over Hell : .......

H3ll King : ........

Ghost Home : أنا عايز اروح الحمام مليش دعوه ....

H3llKing : مش وقته ..

OverHell : هو انت يا كينج جبت القطه بتاعتك معانا .. ؟

King : أه

Over : وهتقعد معانا في الشاليه ؟

King : أه

H3ll : وهتأكل معانا .. ؟

King : أه

Hema : وهتنام معانا ؟؟

King : أه

كلنا في مره واحده .. نعم ؟؟؟؟؟؟؟؟؟؟؟؟؟؟؟؟؟؟؟؟!

King : ايه يا جماعه في ايه ؟

دي هتطري الاعده وكل حاجه

H3llKing : ماشي بس انا الاول

King : إنت الأول في ايه ؟

OverHell : متفهمش غلط هو قصده هيدخل الشاليه الأول يعني

Hema : بالظبط كده ..

يلا يا هيل إنطلق ..

وفي الطريق .. دخلنا باللاب توب الخربان بتاع OverHell

H3llKing : إيه ده فيه هكر على المنتدى .. وربنا ما انا عاتقه

King0FCream : مش وقته ابوس ايدك

H3ll : أبدا ولله لأربيه

Hema : يا عم أبو ايدك مش وقته هنموت

H3ll : ولله ما هسيبه

GhostHome : أنا عايز اروح الحماااااااااااااااااااااااااااااااااااام

H3ll King : ولله لو عملتها على نفسك لازم اربيه

وزيييييييييييييييييييييييييييييييييييييييو لقينا شجره قدامنا ..

GhostHome : انا هروح الحمااااااااااااااااااااااااااااااااااااااااام

OverHell : (بعد ما حود الدركسيون) الحمد لله .. حرام عليك كنت هتضيعنا ! ...

H3llKing : ليه هو كان حصل حاجه ؟

Hema : لا ابدا ..

ووصلنا الشاليه ..

ونلتقي في الجزء الثالث