[super_man619]

رفعت حاجبي الاثنين و لو كان لدي ثالث لرفعته تعبيرا لهدشتي مما قاله لي احد صحابي .. بيقولي صورتي اهي و النبي رفعني شويه عايز اوري الصوره للبت ... لا حول الله يا رب .. قد كده البنات مجنناكو طب انا ليا نظره بقي كمان ف موضوع المزز ده .. و ده ان دل علي شيئ يدل علي عبقريتي الفذه ... البنات دول لامؤخذه عاملين زي الحمام البلدي كده
تعمل ال تعمله فيه و ف الاخر متلاقيش سيفون تمسح الي هببتو .. بغض النظر عن نظريتي حول بنات حواء الي ان فيه شيئ كمان احب الفت النظر اليه .. الا و هو .. ايه العيب انك تخين .. نفسي افهم , هوه التخن بقي عيب اليومين دول
ولا علشان الفقر انتشر ف البلد و كل من هب و دب بقي رفيع و ولاد العز قلو ,, يا جماعه هقولها مره و افهموها ..
الراجل من غير كرش , زي جوجل من غير سرش و الي ينقفي الرز ل امه مافيش رجا من ** امه يعني , النهارده بقي
ماشي ف الشارع عادي جدا و حاطط اغنيه صوت الحريه و وخداي الجلاله اوي و حاسس بالحريه ف وانا معدي جه سواق تاكسي و هيخبطني و الصراحه انا الي غلطان ^^ , لقيته طلع راسو من الشباك و قال انت يا بقف يا أبن الرفدي او الرفضي حسب ما تنطقها انت قمت بصيتله اوي و مستغرب " انا مش سامع اصلا " , قمت شايل السماعه , لقيته بيقولي ايوه انت يا حيلتها شيل الي فودنك ده يابن الجزمه يا حمااااار , بعيد عنك انا سبت كل الشتايم و مسكت ف حمار ديه , هيا الي شكتني ف " أيدي " أوي قمت ماشي من قدام التاكسي و قام معدي من جنبي و فالي يا حيلتهاااا , و مشي , المشكله هنا حاااااجه واحده " يعني ايه أبن الرفضي " و ايه الرفضي ده أساسا هل جايه مثلا من الرفض , و هوه كده بيسب موقفي الرافض للفساد أو من الرفد و يقصد بيها ان ابويا صايع .. ^^ طالع بقي علي الدرس و متكدر و حالتي زفت جت البت بتاعتي بتقولي انت مكلمتنيش ليه امبارح , قولتلها معلش كنت مشغول شويه , قامت قايلالي طوز او طظ او تز زي ماهي قالتها
طلعتلها سيمفونيه لطيفه من مناخيري تعبيرا عن حبي لها و قلتلها لفظي المفضل ( أنا حــقا اعترض ) و بعدين اردفت : انتي تتنكي علي أي حد الا انا .. انتي فاهمه يا بت .. بعيد عنك انا و هيا بنتحرق اوي علي حاجات غريبه .. يعني برده هيا سابت الشتيمه الي انا شتمتها ديه كلها و مسكت ف " بت " بت ديه هيا الي شكتها ف " عينها " أوي كده .. حتي جاي بجرب عجينه العيش الصاج المفروض احط الميه المغليه حبه حبه و اعجن .. قمت حاطط ايدي ف الطشط و صابب عليها الميه المغليه .. قعدت ادوس علي رجلي و اقول غبي غبي .. كان يوم قرف الصراحه