[!_ToGoO_MorY_!]

[ لعبة بيت الرعب



اكتر حاجة ممكن تخليك تخاف ( الضلمة - حد يخضك - او تصحي من النوم فجأة تتكلم وتلاقي الناس مش سامعة صوتك ) ؟؟؟؟؟


حد يخضنى وبرده التانيه




لعبة الدوامة



امتي بتحس انك في صراعات مع نفسك ؟؟؟
اذكر اكتر ثلاثة مواقف حسيت انك في صراعات ودوامة في حياتك ؟؟؟

لما بقعد افكر كتير فى مستقبلى ببقى فى صراع مع نفسى وصراع جامد كمان

اول موقف لما فى مره العيال عشان كنت غايب من المدرسه اسبوع ايام زكى بدر والعيال قالت ليا انى انا انفصلت ومفيش اعادة قيد واعادة القيد فى القاهره ودى هتكلفك 1.5 الف جنيه فضلت بقى خايف وبقول لو انا انفصلت مستحيل هرجع عشان ابويا حالف وكنت هتجنن لحد لما رحت اتأكد والحمد لله لقيت نفسى لسه فاضل ليا 5 ايام فى الغياب

ثانى موقف لما والدى كان تعبان لدرجه انه مكنش قادر يقوم من السرير بسبب الغضروف وانا مسكت الشغل بداله لمدة شهر ونص واحمد ربنا ان الحكايه دى كانت فى الأجازه الكبيره وقدرت اشيل الشغل لحد لما عمل العمليه وقام بالسلامه بس انا حسيت بجد ابويا كان شايل المسئوليه ازاى




لعبة الفنجان



لو بقيت في لعبة الفنجان تتمني مين يبقي معاك من المنتدى اسمائهم وصفاتهم اللي بتحبة واللي مش بتحبة فيهم ؟؟؟؟

Hany and Sad_Angel and cresboo2010 and WhiteAngel and New_Year and Wad_Cool and Wally and Dr.Torjan and all my Frinds

كلهم بحبهم وصفاتهم كلها حلوه والله وجميله وانا معرفش صفات وحشه فيهم




لعبة الصاروخ




لو تحت ايدك صاروخ تحب تسافر فين ؟؟؟
او
لو معاك ريموت الصاروخ تركب مين فية من هنا وتقولة مع السلامة هتوحشنا متجيش تاني ؟؟؟؟؟؟؟


لو فى ايدى صاروخ احب أسافر بره فى الفضاء اتفرج على قدرة الله فى خلقه

لو معايا ريموت صاروخ وأقول لواحد مع السلامه يبقى هاقولها لكل فتان



لعبة التزحلق في المياة



بتعرف تعوم مع الشرح ؟؟؟
لو شوفت حد بيغرق وانت مبتعرفش تعوم وانت الوحيد اللي في الشاطيء ؟؟؟
تكبر دماغك واكنك مش شايف - تعمل زعلان وتقول ياروح ما بعدك روح - تعمل اكنك هتنقذو وتتأخر في النزول ؟؟؟؟

انا مش بعرف اعوم لدرجه كبيره فعشان كده مش هعرف انقذه بس

هحاول بكل ما فى وسعى انى اروح انده لأى حد قريب من هنا ينقذه اى حد بيعوم عشان انا مستحملش اشوف روح تطلع ادامى وانا مش قادر اساعده بس اكيد هو ليه قدره ممكن حد يساعده وممكن لأ





لعبة القطار




اية مواصفات اميرة او فارس احلامك ؟؟؟ وليقت الفارس او الاميره ولا لسا
ولو اتخدعت فية بعد كدة هترمية من القطار ولااا تكمل معاه ؟؟؟ ولو رميتة هترمية ازاي بالشرح ؟؟؟؟

لأ لسه ملقتهاش ومواصفتها كالأتى :

متكونش متكبره - متربيه وبنت ناس كويسين الناس كلها بتقول عليهم احلى كلام - متكونش زى البنات الى بنشوفهم اليومين دول بيدلعوا وبيلبسوا اللبس الفاضح ده - تكون متدينه وعلى خلق -

وكل المواصفات دى فى اى بنت متحجبه محترمه مش بتلبس بادى ولا الكلام الفاضى ده وعلى فكره فى بنات كده

ولو اتخدعت فيها يبقى عفا الله عما سلف



لعبة البساط



لو لقيت شنطة فيها 10 مليون ""
هتعمل اية بالفلوس اشرح بالتفصيل ؟؟؟؟

1- اسأل عن صاحبها ملقتوش يبقى كمل معايا
2- هعمل مصنع صغير اشغل فيه ولاد بلدى ويبدأ يكبر لحد لما يبقى كبير ويساهم بأكبر جزء فى بلدى مصر
3- هساعد كل من يحتاج المساعده من فقير او مسكين
4- هغير الجهاز ابن التيت الى انا قاعد عليه ^^ عشان خنقنى بيرستر كتير ^^



لعبة الاخطبوط




تقول لمين هتبرع واجيبلك شراب علي حسابي ؟؟
امتي بتحس انك حر ؟؟؟
اية البلد اللي نفسك تروحها ؟؟؟

هقول لزميلى

وأحس انى حر لما رأيى يتسمع ويبقى ليه مكانه زى أى رأى

البلد الى نفسى اروحها فلسطين بعد ما نحررها بأذن ربنا



لعبة الدباديب



اهدي 5 اشخاص في حياتك دباديب هديه مع ذكر اسمائهم ؟؟؟

محمد : صاحبى الأنتيم
امى
ابويا
اخواتى الأتنين

وهشترى اكتر وادى لكل زمايلى ^^




واخيراااا
اية اللعبة اللي كان نفسك تركبها ؟؟؟ ولية ؟؟؟
مين من الاعضاء كنت تحب يكونو معاك في الملاهي ؟؟؟
كنت حاسس بأية وانت في الملاهي اوصف شعورك ؟؟؟
حاجة كان نفسك تقولها ومسكت نفسك مكتبتهاش ؟؟؟


ج1- مكنش فى لعبه عاوز اركبها

ج2- كل حبايبى

ج3- كنت حاسس انى براجع حياتى

ج4- لأ مفيش


"""""""""""""""
""""""""
""""
مـــــــــــــع الــــــســــــــلامـــــة
الله يسلمك ^^