اقتباس:
|
ليه في شارع مراد حاطين يافطه كبيرة مكتوب عليها 'ابتسم انت في الجيزة'..، هل الجيزة حاجة تضحَّك؟!
|
لأ ابتسم يعنى افرح مش اضحك
اقتباس:
|
لو إسمك (ماجد) وطلعت طيّار، هتفضل مستحمل قد ايه الناس وهيا بتندهلك (كابتن ماجد)؟
|
انا مش فاهم ايه الغريب؟
الى بيكلم نافسة ده العقل لكن الى بيطلع صوت دى الحبال الصوتية او اللسان او اى حاجة مش العقل لكن بيكلم نفسة بعقلوا
اقتباس:
|
ليه بيقولوا على الشخص اللى نايم بعمق إنه نايم زى البيبيهات؟، مع إن البيبيهات أصلا بيصحوا كل نص ساعة!
|
اصدهم شكلوا بيرىء مش اصدهم انو نايم و مش حيصحى
اقتباس:
|
إزاي لما اسأل عن مقر النادي الأهلي فين، الاقي الإجابة.. النادى الأهلى في الزمالك؟!
|
مسكمعتش عنها قبل كدة دى
اقتباس:
|
ليه الشامبو بيبقى بالخوخ الطبيعى بينما عصير الخوخ بيبقى معمول بنكهة الخوخ؟
|
اكيد مصر بس الى بتعمل الموضوع ده لكن الشامبو من برة مستورد :D
اقتباس:
|
ليه بيقولوا في الأخبار، مصرع 9 في فلسطين، ومصرع 50 في بغداد، ومصرع 85 في زلزال، ومصرع 112 في سقوط طائرة؟! طيب ما يقولوا على طول مصرع 250 واحد في نشرة أخبار التاسعة! :))))))))))))))
|
علشان يقولك مات فين و طبعا كل الناس عارفة فى ايه فى كل حتة من دول و مات ازاى الطيارة مثلا ممكن حادثة لكن فلسطين بيتقتلوا
اقتباس:
|
لما تيجي تتصل بواحد.. ليه الأرقام اللي بترد غلط.. ما بتكونش مشغولة؟!
|
انا اتصلت بواحد و طلع مشغول و اعدت اعمل recall عشر مرات و طلعت غلط فى الاخر :D
اقتباس:
|
لو كانت الأرض كرة – زى ما بيقولوا – طيب الماتش هيبدأ إمتى؟!
|
كرة علشان مدورة مش علشان ماتش
اقتباس:
|
إذا كان – زى ما بيقولوا – الدنيا مسرح كبير، طيب أنا بامثّل ولاّ باتفرج؟! وإذا كنت من المتفرجين، طيب هم المتفرجين بيقعدوا فين؟!
|
ده مثل مش حقيقة
اقتباس:
|
هل حصل فعلا فى يوم من الايام أن فيه واحد (ضرب عصفورين بحجر)؟
|
مثل بردو مش حقيقة
اقتباس:
|
بيقولوا (لكل قاعدة استثناء)..طيب ايه الأستثناء بتاع القاعدة دى؟
|
القاعدة دى خطأ علشان مفيش استثناء للقاعدة دى
اقتباس:
|
طيب ليه المذيعة بتقول أعزائي أفراد الأسرة.. وهى ما تعرفش حد فينا؟!
|
و هى لازم تعرفنا علشان تقول افراد الاسرة؟ اى افراد اسرة مش اصدها حد معين
اقتباس:
|
ليه الشخص اللي يسألك 'الساعة كام' لازم يرفع لك دراعه الشمال ويشاور على مكان الساعة بصباعه 'لو سمحت الساعة كام'....طيب اللى بيسأل على مكان الحمام المفروض يشاور على ايه؟
|
علشان الراجل ياخد بالو (اصلوا اطرش شوية و بيسمع mp5 ) و الرايح الحمام ميشورش لو محترم :p
اقتباس:
|
اللى مايقدرش يتكلم اخرس، واللى مايقدرش يشوف اعمى، طيب اللى مايقدرش يشم أيه؟
|
عنده زكام او اخنف
اقتباس:
|
طيب ليه اللي يسألني عن الساعة لازم يحلفني 'الساعة كام والنبي؟!'.
|
علشان ترد بسرعة و تلفت انتباه له
اقتباس:
|
لو واحد مات و رجله متجبسه ،هل بيدفنوه بيها متجبسة ولاّ بيشيلوا الجبس
|
يشيلوا الجبس علشان كدة كدة الجثة حتبقى تراب و ليه يسيبوا الجبس فيها؟
اقتباس:
|
اذا كان زيت الذرة معمول من الذرة ، و زيت عباد الشمس معمول من زهرة عباد الشمس، طيب ال baby oil معمول من ايه؟
|
معرفش دى بقى :)
و يا رب اكون جاوبت اجابات مش هبلة :D و رد عليا