[m_mm622]

مع انتهاء الرئيس المخلوع حسني مبارك من كلمته التي بثتها فضائية العربية أمس، تفجرت شلالات النكتة المصرية، هذا بعض منها:

- عاجل بعد كلمة مبارك.. النائب العام يجهش بالبكاء ويأمر بالتحفظ على أموال خالد سعيد.



- مبارك: أنا أدمن كلنا خالد سعيد.
الإخوة المواطنون. أبناء مصر الشرفاء.. هرجع من أجلكم أنتم… نياهاهاهاها. "ضحكات شريرة متقطعة".



- المجلس العسكرى ينفى خطاب مبارك ويؤكد لا توجد قناة اسمها العربية اصلا، ودى إشاعة من فلول النظام.



- من مبارك الي المجلس: شكرا على حسن تباطؤكم معنا، الفلوس في أمان والسنجة في الرنجة وفتشنى فتش.



- المجلس: خلاويص؟ مبارك: لسه. المجلس: خلاويص؟ مبارك: لسه. المجلس: خلاويص؟ مبارك: خلاص.



- شرم يا مه يا بهية.. يا أمو بسين وشمسية.. فيكي مبارك والحرامية.



- الفنان محمد حسني مبارك.. أوسكار فقع مرارة الشعب.



- يحز في نفسي ما ألاقيه من بني وطني من حقد على القصر اللي مأنتخ فيه.



- القذافي طلع على توك توك.. انا طلعت على عربية.



- جمال ايه اللى تحققوا معاه.. من انتم؟.. من انتم؟!!.



- رداً علي جمعة الزحف لشرم، مبارك: لو جايين بجد.. هاتوا معاكم دراع بلاي ستاشن زيادة.



- مبارك: مستر إكس.. مش ممكن يموت.



- مبارك: اعزائي المواطنين,,,، بصوا العصفورة!,,,,! سلاموا عليكوا.



- مبارك: أظـنّ إتسلّيتو بما فيه الكفاية وأنا خدت أجازة كويسة.. نكمّل بقي مدة رئاستي السادسة؟.



- مبارك للشعب::::: يانعيش مع بعض حبيبي ,,, يانموت احنا الاتنين ,,, اوعدنى نكون يا حبيبى مع بعضنا فى الحالتييين !!!.



- مبارك:‏ إنتو فاكرين الثورة أثرت عليا؟ أبسلوتلي..‏ أنا اللي أثرت ع الثورة..‏ الثورة عملتلي دماغ ودماغ جامدة كمان.



- مصر دلوقتي عاملة زي أوضة واحد عازب، كل حاجة مش في مكانها، القميص في التحرير والشبشب في مصطفى محمود.. والجزمة في شرم.



- انا طاهر وحفضل طول عمري طاهر.. طاهر "موسيقى يا ام المطاهر".



- أنا مش حرامى: انا مش خرونج.. انا كينج كونج.