يا اخى والله احنا بنضحك على بعض وكل حاجة تحصل نقول ثورة مضادة
اللى بينزلوا علشان يفضوا المظاهرات دلوقتى ديه ناس عاوزة ترجع شغلها
وموقعة مباراة الزمالك ( موقعة الجلابية ) اول ما حصلت كله قعد يقول ثورة مضادة
ولما استدعوا الواد ابو جلابية قالوا اسمه كذا كذا كذا وفى ازهرى ( ازهرى - ازهرى - ازهرى - ازهرى ) عارف يعنى ايه ازهرى
قالوله نزلت ليه الملعب قال نفسى اشوف لعيب او فنان واسلم عليه وطبعا كل شاف الناس اللى نزلت
شوية بيبوسوا عبد الواحد وشوية احمد جعفر وشوية شيكابالا وشوية حازم امام
والله ديه ناس نفسها تسلم على لعيبة الكورة والباقيين دول جمهور متعصب فى لحظة غضب لخروج فريقه
وجمهور الزمالك قبل الماتش بيوم قال احنا هنعمل شماريخ وكل حاجة علشان يعرفوا اننا احسن من جمهور الاهلى
بلاش نضحك على بعض وكل حاجة نقول عليها ثورة مضادة من غير ما نفكر
وانا قولتها بعد ما الثورة نجحت
ما زاد عن حده انقلب ضد
والثوار دلوقتى طلباتهم كترت قوى والشعب كله نفسه الحياة ترجع زى ما كانت
لكن للاسف الثورة هتتقلب ضدهم وهتشوفوا