عرض مشاركة واحدة
قديم 06-04-2011, 03:28 AM   #1

Loleta
عضو متألق



الصورة الرمزية Loleta


• الانـتـسـاب » Sep 2010
• رقـم العـضـويـة » 74700
• المشـــاركـات » 1,584
• الـدولـة » ۩(●̮●)۩ Port$aid ۩(●̮●)۩
• الـهـوايـة » Swimming
• اسـم الـسـيـرفـر »
• الـجـنـس »
• نقـاط التقييم » 21
Loleta صـاعـد

Loleta غير متواجد حالياً



شوية نكت عجب (للمخنوقين)



اقاعدين نكلم فى السياسة من الصبح لما دماغنة ورمت ..قولت افرفش معاكو قبل ما انام

النهارده، رجعت من الكليه و دخلت البيت، لقيت اخويا (17 سنه) اعد ادام التليفزيون فاتح الجزيره و مفحوووم عياط، سألته فى ايه؟ قالى اسرائيل هتحتل فلسطين،


النهارده، كنت شغال فى الصيدليه عادى المهم دخلت واحده وخدت حاجات بحوالى اربعه وخمسين جنيه راحت قالتلى هو مفيس دسكونت قاعدت ابص على الرفوف وقلتلها لا دا لسا خلصان و بعتنا نجيب، المهم لما الدكتور الكبير جه قلتله ابقى هات دسكونت علشان فى ناس كتيير بتسال عليه، الدكتور مات من الضحك،


مره، و انا فى اولى ثانوى بين الحصص كنت ماسك خشبه دكه وبلعب مع صاحبى، شافنى الاخصائى و راح شدنى على المديره و قالها بالحرف كده الواد ده عنده ميول عدوانيه و بيكسر فى الدكك و بيضرب اصحابه، و انا واقف مذهول و مصدوم، طلع استاذ تانى معرفش جه منين و قالها الواد ده مشاغب من السنه اللى فاتت، و انا كنت لسه فى سنه اولى


مره، كنت في النادي و دخلت الحمام، لقيت واحد في الحمام اللي جنبي بيقول ازيك و سكت و بعدين لقيته بيقول يابني سامعني بقولك ازيك، قلتله الحمد لله، قالي ايه الاخبار، قلتله كويس، قالي انت بتعمل ايه قلتله هكون في الحمام بعمل ايه يعني، قالي لوحدك، ضحكت و قلتله اه لوحدي، قالي طب انا جاي، قلتله تيجي فين ياعم انت عبيط، لقيته بيقول طب اقفل يا احمد دلوقتي عشان في الحمام اللي جنبي واحد حمار فاكرني بكلمه،



مره، اتعرفت على واحده جميله اوى فى انترفيو فى شغلانه، المهم خد نمرتها وبقينا نخرج، وفى المره اللى كنت ناوى اقولها انى بحبها وعايز اقابل اهلها واخطبها، قلتلها بحبك قالتلى وانا كمان والدنيا ماشيه حلاوه، لقيت واحد قالى لو سمحت يا استاذ ثانيه وخدنى على جنب خطوطين تلاته كده، وقالى لو عايز مكان الساعه 100 جنيه خلص ورن عليا، المهم مشيتو وشتمتو، وراجع بقى اكمل الحوار معها فسالتنى الراجل كان بيقولك ايه قلتلها مفيش فاصرت رحت قايلها كذا كذا، قالتلى كويس دى فرصه نتعرف على بعض اكتر،


مره، الاسبوع الى فات كنت نايم وفجأه لقيت بنت اختى الصغيره بتصحينى و بتقولى خالو اصحى، قولتلها فى ايه، قالتى موبيلك وحش، قولتلها ليه، قالتلى حطيته فى حوض السمك طلع مش بيعوم زى الى فى الكارتون، قمت جرى لقيت الموبايل فى حوض السمك . استعوضت ربنا فى الموبايل و رحت جبت موبايل جديد، امبارح لقيتها صحيتنى و قالتلى خالو موبايلك الجديد وحش برده و مش بيعوم،


مره، كنت في البيت و الدنيا ليل و كله نايم و بكلم صاحبتي ع الموبايل، المهم قاعدين نغازل في بعض و نسبل لبعض، و قاعده تقولي اخيراً فضيت عشان اكلمك كلهم مشيو مش قاعده مع حد و مرة واحدة سمعت صوت شخص وقح بينادى عليها و بيقولها بصره يا عسل، قلتلها مين ده؟ قالتلي مودي جارنا بنلعب كوتشينه! بعلو صوتي و روحت مزعق اعلى زعيقة ممكن تسمعها، ابويا صحي و طلع بيقولي في ايه يابني؟ قولتله الهانم بتلعب كوتشينه مع مودي جارها،


مره، كنت رايح الكليه وانا ف كليه حاسبات، كنت لابس محترم عشان كان عندي امتحان شفوي و تسليم مشروع والمفروض اني اسلم المشروع ده علي اسطوانه، ركبت الاتوبيس قعدت جنب راجل كبير ف السن وبنكلم، قالي كشكول محاضراتك ده قولتلو اه قالي وريني بتاخدو ايه، اديته الكشكول وفتحه لقي الاسطوانه، لقيته قام فى وسط الاتوبيس و باعلي صوته و قال هي دي المحاضرات اسطوانه، يا ابني حرام عليك و الست اللي ورايا تقولي يا ابني صحتك، و الراجل يقولى و عامل فيها محترم، و السواق يقول هو ده اللي مبوظ الشباب،


النهارده، واحنا في الكورس "احنا في رابعه صيدله"، دخل عيل صغير ماسك كيس في ايده، فالدكتور بيقوله عايز مين يا شاطر، قاله في واحد هنا اسمه أحمد فوزي، قاله اه عايز منه ايه، قاله مامته بعتاله كيس السندوتشات و النص جنيه ده و بتقوله ياكل السندوتشات كلها و يشتري بالنص جنيه حاجه حلوه في الفسحه،


مره، من كام سنه كده كنت مقدم حربيه، يوم اختبار السيمات بيدونا كراسه خضرا فيها الاسئله و فى اخر الامتحان بيخدوها تانى، العسكرى وهوا بيجمع الكرسات لقى واحده ناقصة راح نادى الظابط، الظابط اتجنن ازاى ده يحصل فى الكليه الحربيه، فكر ان حد مخبيها فى البنطلون قلعونا ملط، طبعا كلنا مرعوبين قلعنا، و الراجل ملقاش حاجه، قال للعساكر دورو جنب الشجر، لقيو الكراسه والحمد لله، قلنا خلاص الموضوع خلص، لقينا الظابط بيقول اللى مش هيقول مين خبى الكراسه، محدش هيخرج من الكليه، لقيت واحد بيلف وبيشاور عليا،


مره، كان ساكن قدامنا عمال في الشقه اللي قدامنا فكان كل واحد ييجي يتكلم في التليفون ييجي قدام الباب عندنا ويعلي صوته ويشتم فمره والدتي اتضايقت فطلعت تزعق فأنا رحت مدخلها البيت فلقيت الجرس بيرن فطلعت لقيت واحد بيقولي هي بتزعق ليه دي ؟ وداخل عالبيت فأنا بزقوا لبره وبقولوا انت مالك انت وهو بيدخل وبيقولي هشوف بتزعق ليه وأنا أزقه وازعق فطلعت والدتي على الصوت وقالتلي دخلوا يا أهبل ده ابن خالك،


النهارده, واقف فى الكليه مع واحد ف فى واحده عدت وشاورتله, بقوله مش دى اختك؟ قالى اه, قلت انتا عارف انتا صاحبى وبقدرك و شويه كلام تثبيت كده, بس بصراحه الناس بتقول كلام وحش عن اختك وعن علافتها مع الولاد, وانا بشوفها بتتكلم مع الولاد بطريقه مش طبيعيه, قالى والله انا كلمتها كذا مره بس هيا عايزه تبقى كده



مره، روحت لواحد صاحبي البيت اول ما دخلت لاقيته فاتح الجهاز بتاعو ومتقل اوي في اللبس و قداموا طبق شوربه عمال يشرب فيها وقالي شوفت اللي حصلي قلتله ايه اللي حصلك، راح التليفون رن علي بال مرد عالتليفون، كنت انا ضربت طبق الشوربه، قولتله في ايه بقي قالي انا عندي اشتباه في انفلونزا الخنازير

تصبحو على خير


توقيع Loleta :

التعديل الأخير تم بواسطة | - CreSpO - | ; 06-04-2011 الساعة 03:07 PM

رد مع اقتباس
إعلانات google