اضيفلك بعض الكلمات كمان ؟ بعد اذنك ادونا فرصه بقي
ومش هنبقي ساكتين
لاي ظالم او انسان فاكر انه بمكانته او بنفوذه يتحكم في الباقيين
محناش عبيد سيادته احنا عبيد رب العالمين
هنفضل دايما حرين لابد الابدين
مصر دايما جامده طول السنين
ثورتنا قامت بشبابنا وبمساعده جيشنا المتين
كان فيه قوه عزيمه واراده وهي دي اللي خليتنا منصورين
شهدائنا فدوا انفسهم عشان احنا نعيش مبسوطين
من غير فاسدين .. من غير محتكرين
استغلوا البلد لمصلحتهم الشخصيه
مهمهمش اي حد كان بيشتكي يقولو ملوش ديه
يا عمي دول كانوا عصابه
كل همهم ازاي يسرقوا الناس الغلابه
مكنش في قلوبهم ولا حتة طيابه
فلوسنا سرقوها واهم هربوا بيها
عقولنا ركنوها وكانوا بيلعبوا بيها
بس لما فقنا فوقنا صح
وقلنا للظلم بح
مشفتش التحرير لما كنا مع بعض
كنا كلنا ملايين علي الارض
كلنا كان هدفنا واحد هو اننا نحمي بعض
ومكناش خايفين من اي حد
طلعنا الثوره بسلام
بس دول فعلا ناس لئام
جابوا بلطجيتهم ودمروا وخربوا وضربوا تحت الحزام
وانتصرنا في الاخر وكشفنا اللي مكنش باين
ومشينا اللي لبلدنا مكنش صاين
وداعا زمن مبارك
واهلا بزمن التغيير
تحيه لشهدائنا الكرام
وحريه التعبير
..