ههههههههههههههههههه انتو بتسألونى ولا بتنتقموا منى يا جدعان :)))))) نبدأ نجاوب ... بسم الله الرحمن الرحيم
1-الأسم : محمود شريف قرنى شعبان (اللى هيتريق هانفخوا :))) )
2- 18 سنة
3- ساكن فى العشرين - فيصل - الجيزة (اللى عايزين يبعتولى جوابات معاكسة قلوولى عشان اديكم عنوان بلال)
4- مقاسى 45 فى الشوز ( لو هاتبعتلى هدية , كان فى كوتشى نايك فى التوحيد و النور ب 90 جنيه عينى عليه (اه نايك))
5- وزنى 80 كيلو
أكتر عضو بفضله فى المنتدى ( أنننننننننننننننننناااااااااااااااااااااا) و أكتر مشرف بلال أكيد ( أى لاف يو بلال)
أكتر أكلة بفضلها زى نص البشر على الأقل البطاطس المحمرة
فكرت اعتزل 1000000 مرة و مع ذلك برجع تانى . دانا تنح تناحة
المغنى المفضل الكينج محمد منير
الى جبنى هنا المنتدى ( مش فاكر و الله بقالى 4 سنين )
بلعب سيلكرود من قبل ما بيرشا تفتح بشهر او أقل و اللى عرفنى عليها اخو واحد صاحبى اسمو امجد كان على red sea.
و بلعب بيلد Warrior/Cleric , Wizard/Cleric , Nuker Spear/Cold/Fire
أكتر ممثل عربى كريم عبد العزيز و اجنبى Hugh Laurie
أكتر ممثلة بلاش احسن عشان بغير عليها :))
أهلاوى فور افير ( ولا فور ايفار مش عارف ).
أنا يا سيدى بنى ادم انطوائى مبحبش اخرج من البيت و اكتر حاجة بحبها هى أوضتى
موقف اثر فى حياتى جامد هممممممممم.... محتلجة تفكير دى ان شاء الله هرد عليها قريب
ممكن اعدى حاجة لصاحبى على حساب كرامتى ليه لأ xD
لأ مشتركتش فى الثورة و نزلت العب كورة مع اللجان الشعبية و قعدت اذاكر , اهلى مسكوا فيا انى مروحش
انا الحمد لله تمام ورايا امتحان فيزيا و قاعد ساعة بكتب فى الرد
اكتر واحد مصاحبه فى المنتدى ( مينفعش واحدة؟)
لأ مش راضى عن نفسى عشان مقصر فى المذاكرة
همم لأ , وشى التانى عصبى شويتين
أبويا الحمد لله ربنا يخليهولى أكتر علقة اضربتها كانت قلم أو قفا
لأ مضربتش قدا م مزز قبل كدة لسبب بسيط , انى معرفش اي حاجة اخرها ته مربوطة ( انثى يعنى)
اكتر موقف محرج حصلى أكيد حصل لكتير منكم ,و انا بلعب كورة البنطلون بقى قطعتين و روحت من أخر الهرم لأوله بقطعة واحدة من البنطلون.
من وجهة نظر فنان , اسم العضوية غاية فى الجمال لكنه يدل على حزن عميق و هذا يظهر في بعض الألفاظ مثل h7 التى جاءت متأثرة بالعاطفة المسيطرة على الابيات.
و مقدرش ازهق منك يا جميييييييل ( ساعة كاملة بجاوب لوووووول)
موقف مضحك... واحد صاحبى من ضحايا _DOCTOR_ حب يعمل عليه سكام , صحيت الصبح لقيت doctor معاه الجلايف بتاعتو :)))
شكرا جدا على الأسئلة و ارجو انى اكون رضيتكم بيها :))))))))))