بصوا يا جماعه خلاصة الموضـــوع ..
بالنسبه للدستور : الدستور الحالى معطل لا يعمل به الا بعض مواد .. وده قرار من الجيش ..
يعنى معتش فيه صلاحيات للرئيس .. ةالجيش اللى قال كده ..( دستور 71 )
المواد المعدله جميله جدا ومفيش أحسن من كده ...
هتثبت البلد اكتر والجيش يروح يشوف شغله ... ونبدأ نبنى نفسينا من جديد
ده غير ان لو اتحط دستور جديد هيبقى فى ظل رئاسه عسكريه يعنى زفت ...
بالنسبه للناس اللى بتقول ان الرئيس القادم لو الدستور كله متغيرش هيبقى دكتاتور ..
اساسا معتش فيه مواد يعنمد عليها علشان يبقى دكتاتور صلاحياته كلها اتلغت ..
وكل المواد اللى بتجعله دكتاتور زى فترة الرئاسه و قانون الطوارىء خلاص هيتم تعديلها ..
يبقـــى فيه ايه تانى ؟!!!! يخلينا نقول ... لا .... !! ؟
مش عايزين نمشى ورا الاعلانات .. اللى بتيجيى فى التلفزيون " خد خمسه معاك وقول لا "
اولا : مينفعش اساسا الاعلانات دى تتعرض لان ده افراض رأى ..
ثانيا : فكروا فيها كل اللى هتلقيه يقول من المرشحين بيقول لا ... علشان الماده رقــم 2 ..
ثالثا : حكايه ان الاخوان هيمسكوا البلد .. دى مش هتحصل اولا ...
حتى لو حصلت علشان نبقى جايبين كل الاحتمالات .. فيها ايه !!! وبرده لو عملوا حاجه غلط احنا موجودين والتحرير موجود..
يا جماعه احموا الماده رقم 2 .. لو بصيتوا صـــح ودورتوا على الاسباب اللى تخليكوا تقولوا لا ... مش هتلاقوا ..
غير ان كل اللى عايز يقول لا ... يا اما خايف من الاخوان ... يا اما بيسعى وراء الماده رقم 2 ..
والاخــوان مش بعـــبع ..
بالنسبه للمسيحين : لان معظمهم خايف من الاخوان ..
الاسلام هوا الدين الوحيد اللى بيضمن للمسيحين الحريه الكامله فى كل حاجه ..
ده غير محدش ينسى ان الاخوان والسلفين هما اللى بنوا بايديهم الكنيسه اللى اتهدت فى الاونه الاخيره ..
وبرده كل واحد حـــر