[Wise Knight]

المشاركة الأصلية كتبت بواسطة Fire33 عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

الخلاصة يا شباب عشان محدش يضحك عليكو بأى كلام فى الهوا
احنا بنقول نعم عشان حاجات معينة مش هتنفعنا حاليا لانه يعتبر شئ من الغباء
الثورة اسقطت الدستور
مجرد التفكير فى تعديله هو اعتراف به
ثم حاجة تانية
معاك بنطلون ومقضى بيه ، مش حلو اوى لكن ماشى
ليه ارقعه وخلاص من دون احتياج ما دام اقدر اصبر شويتين واجيب واحد جديد ؟؟؟؟؟
دي هى وجهة النظر الطاغية الان
اللى بيقول نعم للاستقرار ، ممكن نكون هنستقر ، لكن هنتعب طول الفترة الجاية
فى حين ممكن نتعب الكام شهر دول بس ونستريح طول الفترة الجاية
يا جماعة الهدف مش الاستقرار المؤقت
الهدف هو الاستقرار الدائم

المشاركة الأصلية كتبت بواسطة Fire33 عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

الموافقة على التعديلات يعنى تكوين ديكتاتور جديد غير ملزم بتعديل الدستور
ومش هتعرف تكلمه لحد ما يخلص الاربع سنين
هتقولى لو مجاش دكتاتور
اقولك ليه نسيب حاجة للصدفة
ليه منعملش حسابنا من الاول ونوفر 4 سنين من عمر البلد وعمرنا؟؟؟؟
مش عشان فلان قال كزا وانا بحبه اقول زيه
لو قلت نعم وجه ديكتاتور وطالبت انتا باسقاط النظام مرة تانية وناس ماتت تانى
يبقا دم الناس دى فى رقبة كل من قال نعم
اما عدم الموافقة فيجنبنا كل الرغى ده
واولا واخيرا ربنا يقدم اللى فيه الخير
والناس اللى بتقول اجندة امريكية
دى زى الاجندة اللى كانت فى ميدان التحرير صح؟

المجلس العسكري اكد ان دستور 71 هيتلغي في حاله نعم
وهيتعمل بال 9 مواد المعدلين وهينزل معاهم حاجات مرتبطه بيهم وبتكملهم لحد مايتعمل دستور جديد
وينزل حاجة اسمها إعلان دستوري مش دستور كامل يعني. الإعلان الدستوري ده زي اللي شغال بيه الجيش من بعد ما مبارك مشي
لذلك لو نفذ المجلس العسكري الالتزام ده. يبقى خلاص هيفضل الدستور معطل لحد ما ييجي دستور جديد
لما هيتعمل دستور جديد بقى بإذن الله. هنستفتي عليه ولما نقبله. يبقى خلاص كده اللي قبله كله يتلغي ونبدأ على مياه بيضا
وليا 3 اسباب رئيسيه عشان اقول نعم
أولاً السكة واضحة واللي هيحصل واضح وفقاً لكلام المجلس العسكري. ولو هم كدابين ... على الأقل هيبقى عندي حق أحاسبهم لأنهم التزموا بوعود معينة
لكن ساعة ما هنقول لأ... معرفش الجيش ملتزم بإيه فمليش حق أحاسبهم
ثانياً. الناس اللي هم بيطلعوا في التلفزيون لو اتحدوا. نعم أو لأ مش هتفرق بس هم مش بيتحدوا. وساعة ما نقول لأ.. مش هنعرف نعمل حاجة لو مفيش قيادة موحدة للناس. يبقى ليه أخاطر وأعتمد على حد تاني ؟
ثالثاً. لما هقول لأ والجيش يشتغلني. هضغط عليه بالمظاهرات صح؟ مظاهرات إيه بقى؟ الناس هتبص لك بسخرية ومش هتتعاطف معاك. لأنهم أولاً مش مستوعبين ثانياً مش فارقة معاهم الشكليات دي
فأنا مش هخسر الناس. مش معتمد على ناس بتطلع في التلفزيون كتير. وأفضل الطريق اللي شايف معالمه واضحة حتى لو فيه نسبة خطورة. أحسن ما أخش لطريق مش شايف فيه هعمل إيه الخطوة الجاية
وعندك كلام اللواء محمود شاهين اهو
عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]
حاول تبني قرارك بناءاً على اقتناع