[كريم احمد]

أولا شكراا علي كل واحد رد في الموضوع المهم انا كنت مسافر النهارده الصبح كنت بوصل جدتي المطار عشان راحه عند خالي في السعودية واحنا راجعين كان السواق مشغل نجوم fm وكانو بيتكلمو ان الشباب عاوز يعمل وزاره ويسميها (وزارة مكافحة البطالة و مكافحة اطفال الشوارع) ولاقيتها فكرة جامده وقعدت افكر وانا راجع طب لو الوزارة دي اتعملت هنعمل مشاريع اييه وانا بفكر ان الشعب كله مستوطن في تلت الجمهورية والصحرا فاضية وممكن يتعمل فيها مدن جديده زي 6اكتوبر والسادات والعاشر من رمضان ودي طبعا دلوقتي بقت مدن قديمه .......
بصو انتو عارفين لو مدينه واحده اتعملت شوفو الوظائف اللي هتبقي فاضية اول حاجة طبعا هيبقي فيه عمال عشان يبنو
وتاني حاجة شركات ومصانع وشوفو دول هيشغلو كام موظف خريج جامعة وكام عامل وشوفو بقي لو فيه مشروع استصلاح الاراضي عشان تتزرع شوف بقي هنبطل نستورد الاف الاطنان من القمح وغيره وغير كده هيكون في خط مواصلات جديد يعني السواقين هتشتغل وطبعا لازم يكون فيه شقق سكنيه للموظفين والعمال والناس اللي هتقعد هناك وتكون بأسعار رمزية وشوفو بقي كام واحد من الشباب هيتجوز لان المشكلة الاولي ادام الشباب لما بيفكر في الجواز هي الشقة ..........معلش طولت عليكم يا ريت الفكرة دي تتنفذ هتشغل معظم الناس اللي عاوزة تشتغل بجد