[الافعى_]

المشاركة الأصلية كتبت بواسطة alispicy عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

اهدا الرئيس محمد حسنى مبارك

شعر حسني مبارك .. إهداء إلى شعب مصر


ياشعبي حبيبي ياروحي يابيبي ياحاطك في جيبي يابن الحلال

ياشعبي ياشاطر ياجابر خواطر ياساكن مقابر وصابر وعال

ياواكل سمومك يابايع هدومك ياحامل همومك وشايل جبال

ياشعبي اللي نايم وسارح وهايم وفي الفقر عايم وحاله ده حال

احبك محشش مفرفش مطنش ودايخ مدروخ واخر انسطال

احبك مكبر دماغك مخدر ممشي امورك كده باتكال

واحب اللي ينصب واحب اللي يكدب واحب اللي ينهب ويسرق تلال

واحب اللي شايف وعارف وخايف وبالع لسانه وكاتم ماقال

واحب اللي قافل عيونه المغفل واحب البهايم واحب البغال

واحب اللي راضي واحب اللي فاضي واحب اللي عايز يربي العيال

واحب اللي يائس واحب اللي بائس واحب اللي محبط وشايف محال

واحبك تسافر وتبعد تهاجر وتبعت فلوسك دولار او ريال

واحبك تطبل تهلل تهبل عشان مطش كوره وفيلم ومقال

واحبك تأيد تعضض تمجد توافق تنافق وتلحس نعال

تحضر نشادر تجمع كوادر تلمع تقمع تظبط مجال

لكن لو تفكر تخطط تقرر تشغلي مخك وتفتح جدال

وتبدأ تشاكل وتعمل مشاكل وتنكش مسائل وتسأل سؤال

وعايز تنور وعايز تطور وتعمللي روحك مفرد رجال

ساعتها حجيبك لايمكن اسيبك وراح تبقى عبره وتصبح مثال

حبهدل جنابك وأذل اللي جابك وحيكون عذابك ده فوق الاحتمال



وامرمط سعادتك واهزأ سيادتك واخلي كرامتك في حالة

هزال

وتلبس قضيه وتصبح رزيه وباقي حياتك تعيش في انعزال

حتقبل ححبك حترفض حلبك حتطلع حتنزل حجيبلك جمااااال

انتا بتنسب له كلام هو استحاله يقولو بس ده كلام المعارضين زى احمد فراد نجم
ماشى هو حر يتكلم براحتو بس فكر كده لو الشعب المصر كان عمل ثوره ضد الشرطه هل كان ممكن يكون فى مهزله ؟
الاجابه معروفه طبعا لا
وبعدين انا اصلا كنت عايش بره مصر وكانت كل فكرتى عنها من التلفزيون كنت شايفها احسن بلد فى الدنيا لما رجعت
لاقيت الناس عايزه تعيش زى الحيوانات يادوب تجيب اكل اليوم وتلاقى مكان تنام فيه وتانى يوم تعيد الحكايه من اول وجديد وساكتين عن حاجات كتير والسبب الخوف الواحد فيهم بيقولك مادامت المشكله بعيد عنى تتحرق الدنيا طيب ازاى؟
مانتا الدنيا دى هتدور عليك مثال تلفيق القضايا انا متأكد فى ناس مظلومه وساكته وعلى ايه يعنى ؟
انا واحد من الناس لو هموت مش هوافق على ان انا اتحبس مظلوم
حاجه تانيه دور حواليك هتلاقى 80% من الشارع اللى انتا ساكن فيه بيشربوا مخدرات انتا عارف ناس فيم والباقى بيتظاهر بأنو مش بيشرب
البلطجه الشعب شريك فيها هاتقولى ازاى المنطقه اللى انتا ساكن فيها اكيد فيها واحد بلطجى
ايه اللى عملو بلطجى ؟عشان واحد رد سجون ؟ ولا عشان كلام احنا مالنا؟ ولا خلينا فى حالنا ؟
الشعب السبب واساس معاناته ليس رئيس الدوله
الناس اللى بتخلف وتنسى .يعنى تلاقى الراجل التيس يرجع ويتنيل على عينه وينام مع مراته عايز يجيب اخ للواد جاتو ستين نيله هو عارف يأكل الاول عشان يجيب تانى ؟
يجيب 5 - 6 عيال يوديهم المدن الصناعيه يشتغلو الخ.......
تلاقى واحد فيهم نفسه يطلع بلطجى شوف التفكير دماغ حمير مش يفكلا يطلع مهندس ولا يكون ليه دور فى البلد
والعيب على التيس اللى جابو
انا كده ممكن افضل اكتب وبردة فى ناس مش هاتفهم انها شريكه فيما أل اليه حال مصر وليس السيد الرئيس محمد حسنى مبارك
والدليل انه لما استمع لمطالبنا رفضناه وكان كل هم الناس انو يمشى وده ينم عن الغباء والا وعى فى المجتمع المصرى
وربنا يستر