بجد يا شري انت مواضيعك بتعجبني اوي ودائما بحس انك عايز توصل لحاجه بس اللي حصل في بلدنا ده بيقول حاجات كتير
بيقول اننا مش بلد صغير ولا اننا ناس بسطاء بيضحك عليها ويقول اننا صبرنا كتير اوي عشان ندخل ونقول عايزنا حقنا
لكن لكل شئ تمن بس التمن غالي التمن اسكت الضحك في قلوبنا واسكت فرحه نصرنا البسيط وهقولكم ليه بسيط بعدين بس فعلا حسيت ان دم الشهدا ده دين علينا وحريتنا كانوا تمنها دمهم
بس احنا وصلنا لحاجات كتير اوي وصلنا لوحده قوميه كبيرة اوي تخيلوا يا شباب ان كنايس كلها معلهاش عسكري واحد حتي يحرسها ؟؟؟ سبحانك يا ربي ورغم كده كنايسنا وجوامعنا بخير
وصلنا ان الشباب والبنات واقفيين جنب بعض ومسمعناش عن تحرش او مضايقات واظن الفضائيات مهتصدق لو حاجه من دي حصلت بالعكس ده في ناس اتجوزت هناك كمان
مفيش سرقه مفيش حادثه بالعكس في وحده بجد وفي ومجموعات وطنيه فضلت سهرانه تحمي مصالحنا وتحمي بيوتنا في ظل غياب امني مستهتر بجد يا شريف اللي حصل استفدنا منه حاجات كتيرة اوي وهتكون حكايه تتحكي واحنا محظوظيين اننا عشناها وفي مننا كانوا ابطالها