[faroky3000]

بجد الواحد محبش يرد غير لما يشوف كل الردود ..

طبعا فى ناس عاوزة مبارك يمشى .. معاك .

فى ناس عاوزة مبارك يقعد و يكمل مدتة . معاك .

معلش بما انى بحب السياسة و قرأت تاريخ .. هحاول اشرح من وجهة نظرى المتواضعة الرأى و نقيضة ..

نبدأ ب يمشى الاول ..

__________________________________________

دلوقتى حضرتك بتقول مبارك يمشى ... معاك ..بس .

1: الفراغ السياسى فى البلد .. كل من هب و دب هيقولك امسك الحكم شوية .. و دى بقى مش هتبقى خناقة بين انصار حسنى و اللى ضدة ..

لا دى هتبقى اخوان و حرامية و حزب الوفد . الكرامة . الناصرى .. الخ من احزاب مصر .. من الاخر هتبقى مدبحة !

2: بقى يا راجل مستحمل مبارك 30 سنة .. ال 6 شهور دول مش قادر تستحملوا ... هيا بتا*** اوى علشان لازم يمشى !

3: انتا بتقول الجزيرة قناة زى العسل .. فلة شمعة منورة !

احب اوضحلك انك اتضربت على افاك ! لان ويكلكس .. و دى بقى مهمهاش اوباما .. ياعنى مش هتدافع عن مبارك .. كشفت عن وثيقة بين وزير خارجية قطر و دبلوماسيين اسرائليين و امريكان انه سيسلط قناة الجزيرة لاشعال الفتنة فى مصر عند نزول الناس الشارع ..

معاك انها كانت بتزيع اللى بيحصل فى الاول .. بس احبك تفسرلى ايه لزمة انها تزيع فيديو اتصور يوم الاربعاء قبل الماضى عن عربية الشرطة التى هاجمت المتظاهريين .. يوم الثلات اللى فات .. ياعنى بعد ما الشرطة انسحبت و الجيش نزل و الدنيا هديت ! ... افهمها لوحدك !

هيا القناة لازم تقولك قوم يا عم ولع فى مصر علشان تبقى صادقة ! ..

3: اللجان الشعبية اللى اتشرف انى واحد منها .. بتحمى املاك سياتك .. البنوك .. كلنا بنتكاتف مع الجيش و اللى باقى من الشرطة علشان نحمى بلدنا .. لكن ممكن تقولى ايه اللى هيحصل لما الدراسة تبدأ ؟!

مين اللى هينزل !! مين اللى هيحمة بلدك !!

ولا انتا عاوز لا دراسة تبدأ ولا نيلة و نفضل مرميين فى الشارع من بعد صلاة العشاء لحد تانى يوم الساعة 8 فى الشارع !

ارجع لعقلك و اوزنها صح !


__________________________________________________ _____



المؤيد لبقاء مبارك حتى تنتهى ولايتة ! ..

ليس الرأى الاصح و لكن علشان نحمى البلد من فتنة ! ..

مبارك لو مشى و الحكومة الانتقالية مسكت البلد .. هتبقى بجد مصيبة !

لان الشعب كل لما ما يحبش وزير .. نفس المظاهرات .. نشيل الوزير و نجيب غيروا .. فين الاستقرار .!

و لو عاوز بلدك تبقى تونس تانية .. اللى بقالهم شهرين بعد هروب بن على مش عارفين يعملوا وزارات ... لو عاوز تشوف البرصة بتخسر 70 مليار فى 3 ايام ! .. لو عاوز تشوف السياحة بتخسر 500 مليون فى يوم واحد .. لو عاوز تشوف الحرامية و البلطجية بيخشوا بيتك و يقتلوك انتا و اهلك .. لو عاوز تعيش فى فوضى سياسية و اى بلد تانية تستغل الموضوع و تحتلك ..

انزل يوم الجمعة