اقتباس:
المشاركة الأصلية كتبت بواسطة ™_blackeagle_™
تمام .. بس ليا تعليق الشعب المصري دة مينفعش يسيب حد فحالو ؟؟ واحد سمتوة والتاني قتلتوه
مش دول كانوا حلوين بردوا ؟؟ موتوهوم لية ؟؟ .. والتالت هتفضحوه ؟ .. مهو كلو فوق دماغ
الشعب ، بتقولو البطالة ؟ انتو كدة زودتوها وبعدين حط كل مساوء الراجل دة قدام حاجة واحدة
انو عيشك 30 سنة في امان ، امريكا اسرائيل كل الدول العظمة بتعمل حساب للراجل دة
بمجرد رحيلة ابصم بالعشرة دلوقتي ان اسرائيل مستنية دة ومجهزة قوات دلوقتى عشان لو مشي
اول دولة هتضربك ، مين الي عرفكو يعنى اية نت .. مين الي عرفكو يعنى اية كمبيوتر مين الي
بنى مدينة السلام هتقولي السادات هقولك هوا الي سكنها وكانت الشقق ببلاش . مين عرفك يعنى
اية مترو انفاق نسيتو كل دة وافتكرتو الوحش بس ؟ اه لية حجات وحشة كتير معاك . بس لية بردوا
حجات حلوة ، كل واحد عندوا عربية يفتكر انو ركبها في عهد الراجل دة ، الراجل مش بيطالب غير
بحاجة واحدة بس يطلع معزز مكرم واحنا بنطلب كدة ، بقالكو 30 سنة مستحملين اية جت على
6 شهور ؟؟ نسيتو انو رجل الضربة الأولى في حرب اكتوبر وقائد الضربة الجوية . حرام بقا عليكو
شوفوا موقع ويكيليكس قايل اية النهاردة ، خليكو حيادين شوية ، انا مليش مصلحة في الي بقولوا
انا لا حزب وطني ولا اخوان ولا معارضة ولا اي حاجة خالص ولا اشتركت في اي مظاهرات سواء
دية او دية عشان بس محدش يجي يقول انتو واخدين فلوس وواخدين بتاع بس كل الي بقولة
بقول كلمة حق . سيبوه ال 6 اشهر الي فضلنلو محبكتش يعنى . وبعدين تعالى قولي هتمسك مين
ايمن نور ؟ الى معرفش يحكم مراتة هيحكم شعب ؟ البرادعي الكداب الي وقع العراق الي مجوز
واحدة من برة وميعرفش اي حاجة عن مصر كل الي قاعدوا في مصر 3 سعات ؟؟ والنبي اصحو
شوية يا جدعان وشوفوا حصلنا اية من ورا المظهرات دية من اعمال سلب ونهب وناس بتموت
وانتو مش حاسين بأي حاجة خالص ؟ ارحموا من فى الأرض يرحمكم من في السماء
انا لو حبيت اقول الي جوايا مش هخلص ولا بكرة
ممكن اعرف حضرتك منين ؟ وجمال مفيش جمال خلاص ، بخ
|
تحب أقولك لية أمريكا وإسرائيل عايزة الخاين ده ؟؟؟
علشان طول 30 سنة مجابش حقنا من اليهود
اليهود قتلوا من حوالي 3 أو 4 سنين 3 ظباط من الجيش المصري علي حدود سيناء .....فين حقنا ؟؟
اليهود بياخدوا الغاز بتلت الثمن العالمي والشعب بياخدة زيادة عن إسرائيل ب 3 مرات ...
حسني بيحاصر المسلمين في غزة علشان خاطر اليهود ....
وغير كده كتيير أوي أوي ...
يا رب تكون فهمت .