وعندك واحد شيشه تفاح تانى وصلحوووووو
احـــــــــــــــــــــــــــــــــــــــــمد 
هوا ده الكلآم ولآ بلآش :D
موقف محرج اتعرض ليه احمد ؟
مبلآش لحسن حد يفهمنا غلط ^^ بس أنا هقول وخلآص بقى
مره خير اللهم اجعله خير ماشى فى أمان الله فى طريقى للعوده إلى البيت وفجأه الآقى واحده ذو مظهر جميل وحسناء وروعه فى الجمال وكان معايا King0FCream ماشى معايا بس كانت عنيه زايغه شويه :D
وفجأه الآقيه بيعاكسها فروحت معاكسها معاه^^ المهم فى الأخر لآقينا راجل طويل عريض المنكبين شكله مرعب فى الأول فكرته ابوها أنما لما لآقيتها بتقولو ياحاتم كده حاف قولت يبقى أكيد أخوها المهم قولتولو ياخى الكريم هوا الواد غلط لكن ميستحملش ده كله طبعاً انتو فاهمين ايه اللى حصل الواد وشه بقى شوارع وفجأه لقيت King0FCream بيقول ده معجب بيها وعايجش يتشوشها قالى نعم دانا جوزها يا............. وعينك ماتشوف إلآ النور فكان موقف مايعلم بيه إلآ ربنا وطبعاً انا سيبت King0FCream ومش عارف من ساعتها ايه الأضرار اللى حصلتله.
موقف ضايقك اوووى ؟؟
هوا موقف واحد بس وكان فى يوم تشتد به العواصف الرمليه وفجأه لآقيت a7lashabab داخل عليا وبيقولى معلش ياحمد أنا اسف على الخبر ده بس لآزم أقولك أنتا طردوك من الموقع علشان فتنت على مشكله King0FCream وميصحش كده برضو تعرف الموقع كله ايه اللى حصله وكان جمبى مرزبه حديد طول 14متر وزن 30كيلو جرام وروحت ضاربه بيها ومن ساعتها محدش يعرف مكانه ولآ حتى أيه اللى حصله غيرى وبجد ديه حاجه مضايقانى اوى .
ما هو أكثر شيء يثير خوفك ؟
أن a7lashabab وKing0FCream يضربونى بعد مافتنت عليهم
غرق المنتدى ومعك قارب لا يحمل الا ثلاثه من تأخذ معك ؟
واخد حد ليه أفرض اللى خدته ده كان وزنه تقيل والمركب اتخرم يغرقنى يعنى لآ ياعم انا مباخدش حد معايا وبعدين برضو علشان المركب يبقى خفيف وأوصل بسرعه
ما أكثر ما تحبه في الإنترنت ؟
بجد Silkroad4arab
من الشخص الذي تتمنى له الموت ومن الشخص الذي تتمنى له الحياه ؟
فى ايه يامعلم أنتا هتسرح بينا الأعمار بيد الله عيب الكلآم ده أسكت خالص :P
ما هو نوع موبايلك ؟؟
مابشيلش موبيلآت أصلها كل ماترن أتعصب واكسرها
ما هو أكثر يوم تحبه في الأسبوع؟
الأربع شكله عاجبنى
ما هو البلد الذي تحب أن تعيش فيه؟
برانى ملكمش دعوه انتو باللغه ديه وده علشان كلها صحرا وثعالب وحاجات من اللى بترعب ديه
من هو كاتم أسرارك ؟ غيرى طبعا 
وانا تجيلى جرأه اامن لحد غيرك برضو دانتا البير بتاعى ياحبيبى يابير
امتى تكون غير صريح ؟
علطول اصل اصاله قالت الحقيقه ساعات بتجرح وانا مبحبش اجرح حد يعنى
من أى شئ يغضب احمد ... ؟
من كتر الأسئله:@ :@ :@ :@
من يعجبك من أعضاء المنتدى(( عضو واحد فقط )) ... ؟
يامعلم المنتدى بصراحه مفهوش حد عاجبنى هيه مكنتش عايز أقول لكن انتا اللى أجبرتنى :P (شكلك هتحبسنا والله) إلآ حوالى 90000الف عضو ولآ حاجه ^^ (أخلع)
-متى تبكي بحرقه ... ؟
لما حاجه تدخل جوا عينى يعنى زلطه أو نص طوبه حمرا كده يعنى الحاجات البسيطه ديه
- متى تجلس لوحدك ... ؟
لآ ياعم انا بخاف أعد لوحدى
- متى تقول لا ... ؟
لما أحس أنى مليش مزاج اعمل حاجه مش عجبانى وده بينطبق فى كل الأحول
- متى تكون أنانيه ... ؟
انانيه؟؟؟؟؟؟! انتا تانى :ياعم خالد والله العظيم اسمى أحمد ومكتوب فى البطاقه بتاعتى ذكر
وعموماً انا طول الوقت بحب اساعد الناس بس ده طبعاً علشان مصلحتى ديه حاجه اساسيه
- كيف تعيش يومك ... ؟
بقديها طبعاً لكن اول حاجه بصحا الصبح بشرب كوباية اللبن وأكول سندوتشاتى واروح أطلع تريده وعمرى عمرى ماحطيط سيجاره حتى فى بوقى (محدش معاه ولآعه!)
- في عصر العولمة الحالي (( ما رأيك في حب الإنترنت )) ... ؟
حاجه غريبه وانا ماليش رأيى فيها وانتا شكلك عايز تحبسنى
- يقال أن الحب يمحو جميع العيوب والأخطاء في المحبوب (( ما تعليقك )) ... ؟
لآلآلآ ده كلآم ملهوش أى أساس من الصحه أسئالنى انا الحب ده زى السيجاره أولها بتحبها واخرها بدوس عليها :D
- ما هو سر نجاحك في الحياة ... ؟
ايه ده هوا انا ناجح وانا معرفش يسلآم كلك مجامله وزوق الحقيقه
- ما أجمل مافي الحياة في نظرك... ؟
الطاقيه يعنى لو تعرف فوايدها مش هتتخلى عنها يسلآم زى الأم بالظبط تحميك من الشمس وضلل وترفرف عليك فعلآ لولآ الطاقيه لعشت بائس
- هل أنت فوضولى ... ؟
مفوضولى : ديه شتيمه ولآ أيه ؟! ماشى عموماً ربنا يسمحك بس أفتكر أنك انتا اللى غلط الأول ماشى علموك كده فى بلدك أشتم أشتم
باقة ورد لمن تهديها؟
للشخصيه ديه ™_HeMa_™
باقة شوك لمن تهديها؟
للكائن ده : a7lashabab :P
أسوأ خبر سمعته؟
أن الباب قفل على صباعك هوا حصل أمتا الكلآم ده وأزاى متقوليش بس أفتكر أنك بتزعلنى منك
شخص لا ترفض له طلبا؟
لأ بصراحه انا عمرى مارفضت طلب غير 4/3 اللى قابلتهم فى حياتى
ما هي التجربة التي تتمنى تكرارها؟
أول سؤالين فوق نفسى يحصلو كل شويه وعلى ايديى 
ماهو أكثر شيء تخشاه؟
ماقولنا قبل كده مابيهمناش أى حد أنتا بتزعلنى منك ليه ياحمودى
ما الشيء الذي يشعرك بأكبرقدر من الإحراج؟
أنى أعمل حاجه انا مش عارف أنا بعملها ليه ومش من أختصاصى وفجأه الآقى حد بيقولى أنتا مالك انتا ومال كذا ويزعقلى بقى والحاجات ديه بس أنا مبسيبش حقى بروح لبابا وهوا يجبلى حقى علطول
حمام زاجل استقر على نافذتك يحمل رسالة من مجهول ممن تتمنى أن تكون؟
واحد كده انتا متعرفهوش بس انا عارفه كويس وبيتهيقلى ان مفيش حد يعرفه غيرى علشان هوا مش مشهور اوى زى مانتا عرف ديما بيحب ياكل فى ميعاده ومبيحبش يروح لحد لآزم أحنا اللى نديله اللى هوا يأمر بيه ده برضو مهما كان صاحبنا وليه واجب علينا ولو الراجل معملش اللى قالك عليه ليك حق تعمل اللى هوا عايز يقولك اعمله وملكش دعوه على ضمانتى بس المهم الحاجه تخلص النهارده علشان مفيش وقت وميعاد التسليم قرب والحكومه فى المكان ولآزم نروح الملآحه علشان نجيب سوسن من هناك أصلها بتخاف تقعد فى الضلمه لوحدها ولآزم منقولش راينا بصراحه علشان منجرحهوش اديك فهمت أهوه نفغك بحاجه الفهم .
شخص وعدك بشي مهم جدا ثم اخلف ماذا تقول له ؟ ومن هووو ؟؟
a7lashabab كان واعدنى أنه اول مايمسك اشراف أى موضوع أعمله يثبتهولى وبعد مادفعتله العموله والمقدم قالى معنديش بنات للجواز ومن ساعتها انا مكررتش أرتبط تانى
قطعة فحم وجدار نظيف ماذا سترسم عليه،وماذا ستكتب تحت الصورة؟
هارسم عليه صورة واحد بتولع فيه النار وهاكتب تحت الصوره ألحقونا يارجاله هاتو المطافى
فى نهاية الجزء داه من الاسئله 
- هل كنت صادق في كل ما قلتة ... ؟
طبعاً يعنى أنتا شايف كلمه من اللى انا كاتبهم دول فيهم ذرة كدب الحمد لله انا طول عمرى صادق والدليل الكلآم اللى فوق ده ^^
