للاسف احنا مهما فضلنا نتكلم على حكايه الأسكمر دى
مش هنخلص منها
ده تقريبا فى مواضيع كتير جدا اتعملت فى القسم عن المصريين فى اللعبه
المهم
انا داخل اقول وجهت نظرى
انا عن نفسى والله مش بحب اتعامل مع اى حد مصرى خالص
او قليل جدا
انا لحد دلوقتى ماعرفش غير واحد مصرى
دلوقتى بقى ليه اكتر من اخ
و باقى الناس عندى كلهم ألمان
+ ان الجيلد اللى انا داخل فيه ألمان بس و كمان بيرفضو اى حد مش ألمانى
بس الحمد لله انا معاهم و هما عارفين انى مصرى
لان اى حد بيطلب مساعده و لو بقدر اسعده بجد مش بحوش عنهم اى حاجه
+ انهم بيساعدونى فى كل حاجه
يكفى ليه انى بطلب اى حاجه من اى حد فى اليونيون بيدهانى و بيقولى ماتبعهاش لو مش محتاجها اديها لاى حد معاك فى اليونيون
و مافيش فرق اللفل يعنى مش واحد يقولك انا لفل 110 و الكلام الفاضى ده
+ انهم منظمين جدا و محترمين جدا و مافيش حد بيشتم التانى والا بيتكلمه فى الدين
بجد والله بتحرج جدا لما حد بيكلمنى و بيقولى ان المصريين دول حراميه
بقت حاجه تكسف والله,,,
مع العلم انى بدخل علشان استمتع باللعبه بس مش اكتر
لما بلاقى نفسى زهقان والا حاجه بتطلع اسلى نفسى على الجهاز
مش واخده حياه زى ناس بتفضب ب 24 ساعه قدام الجهاز