الحلقه التاسعه والعشرون
سهر:يعنى ايه مش هتيجى معايا اميركا....انت مش كان حلمك تسافر ....خلتنى اقول لبابا انى هاجى اعيش معاك ...ودلوقتى بتقولى...
ميدو:مش هينفع ياسهر....انا خلاص رتبت امورى هنا
سهر:امورك..؟؟ وامورك دى ماكنتش ارتبت لما قولتلى هنسافر
ميدو:لا ياسهر ...انتى مش ملزومه تستنينى ...شوفى حياتك
سهر:اشوف حياتى....يعنى ايه مش فاهمه
ميدو:يعنى ياسهر سفرك ده هيقربك من باباكى تانى وهتبقى فرصه عشان نبعد عن بعض
سهر:وانت عايزنا نبعد..... طيب ماكنت تقول كده ....حرام عليك معلقنى بيك ليه
انا مش فاهمه انا عملتلك ايه.....انا كنت حاسه انك مش طايقنى الفتره اللى فاتت..بس معرفش انك كنت ناوى على كده....شوفتلك مين يامحمد...مين اللى قلبتلك دماغك وخلتك تنسانى
ميدو:اخرسى بقى ...ماتحسسنيش انك المخلصه البريئه...مانتى مشيالى مع واحد معاكى فى الجامعه وفاكرانى اهبل ...انا شايف وعارف كل حاجه واللى مسكتنى انك مش همانى اصلا
************
ياسمين:خلاص بقى ياسهر بطلى عايط
سهر:ماتعمليش نفسك صحبتى وهاماكى اوى مانتى اللى قربى منه الايام اللى فاتت دى وانتى اللى حكيتيله على هشام
ياسمين:ايه؟؟ انتى ازاى تقوليلى كده انا لو كنت عايزه اقوله على هشام كنت قولتله من زماان وبعدين اللى كان بيقربنا من بعض هو انتى ياسهر وانا والله كنت ببعد عنه كل ماشوفه
سهر:انا خلاص مش طايقه اعقد هنا انا هسافر لا عايزه اشوفك ولا اشوف محمد
ياسمين:سهر ....سهر
*****************
ياسمين:ليه عملت فيها كده...انت ماشوفتش كانت بتعيط ازاى؟
ميدو:انا خلاص مش بحبها انا اصلا عمرى ماحبيتها ....اكيد مش هتجوزها شفقه عشان عيطت وبعدين هى كمان مش بتحبنى
ياسمين:مين قالك كده هى بتحبك....هى بتحبك اوووى...عمرها ماقدرت تنساك حتى وانت بعيد عنها ...هى عمرها ماحبت غيرك...انت بالنسبه لها حبها الاول والاخير
ميدو:هى مين دى؟؟؟
ياسمين:ياسمين
ميدو:ياسمين مين يامى؟؟
ياسمين:ايه؟؟؟ دى سهر ..سهر ..ياسمين مين انا اتلخبط
ميدو:ياسمين انتى
ياسمين:ايه؟
ميدو:ايوا انتى ....انتى البنت اللى انا كنت بحبها قبل مافقد الذاكره ..انا اول ماشوفتك حسيت بكده ...انا لسه بحبك ياياسمين...انا مش عارف انتى ليه غيرتى اسمك وكنتى بتبعدى عنى...انا لسه بحبك خليكى معايا
ياسمين:انا لازم ابعد ...صدقنى كان غصب عنى يامحمد...انا جيت لقيتك فجاه عايش اتفاجئت ولقيتك كمان خاطب واحده وطلعت صحبتى ماينعش اخونها ...
ميدو:انا عمرى ماحبيتها ...انا عمرى مانسيتك ...انا بحبك
ياسمين:ماينفعش يامحمد...احنا كل اللى مابينا انتهى من زمان
اسرعت ياسمين وهى تجرى على السلم لكى تنزل ودموعها جعلتها لا ترى شئ
ولكنها تمكنت من الوصول الى الشارع ولكنها لاترى اى شئ لان نظارتها وقعت منها
فقط تسمع صوت سيارات تتحرك...ولكن اين نظارتها؟؟ جلست على الارض لتبحث عنها
ولكن .......