الحلقه الرابعه والعشرون
الامل ....بالتاكيد يجب ان يكون لدى امل
يجب ان لا افقده وانا معك يامحمد ....سيكون لدى امل انك لى فى النهايه كما كنت لى فى البدايه ...اعدك بان سيكون لى امل ..سابتسم للحياه ولن اخاف من مواجهه احد على مظهرى بهذه النظاره سيكون لدى امل اننى ساراك دائما ...ساحافظ على نظرى كى اراك فقط .... اعدك ....سيكون عندى امل ......
سهر:قومى يامى افتحى الباب انا باخد شاور
ياسمين:حاضر حاضر ....مييييييييين؟؟
نورهان؟؟
******
نورهان:صدقينى ياياسمين انا عرفت غلطتى انا مش عارفه ازاى الحب كان عامينى اوى كده كان عامينى لدرجه انى كنت هبيع صحبتى واخسرها انا اسفه ياياسمين سامحينى بحق الايام اللى كنا فيها مع بعض متحسسنيش انك بتكرهينى ياياسمين...
ياسمين:انا عمرى ماكرهتك يااعز انسانه عرفتها
بس انتى اللى اختارتى انا كنت خايفه عليكى من معتز مش غيرانه انا طول عمرى اتمنالك الخير ....
نورهان:وانا كمان.....يعنى مسمحانى
ياسمين:لا...
نورهان:؟؟؟؟؟
ياسمين:مش مسمحاكى ....لانى مكنتش زعلانه منك اصلا
********
سهر:انتى بقى نورهان....ياه دى مى بتحكى عنك كتير
نورهان:اتشرفت بيكى ياقمر
سهر:الشرف ليا ياجميل ...عن اذنكوا لحظه هرد على الموبايل
نورهان:مى مين؟؟؟؟
ياسمين:انا ... حكايه طويله...عارفه مين اللى هترد عليه فى الموبايل ده؟؟؟
نورهان:مين؟
ياسمين:محمد
نورهان:ايه؟؟؟؟؟؟؟
***********
نورهان:يانهار اسود ومنيل
ياسمين:ههههههههههه
نورهان:انتى بتضحكى
ياسمين:خلاص هعمل ايه ؟؟ اتعودت بقى
نورهان:ربنا يكون فى عونك ياحبيبتى
بس انتى عامله ايه دلوقتى؟
ياسمين:ممممم مانا كويسه اهو
نورهان:لا قصدى بالنظاره دى
ياسمين:اهو ....عندى امل ....