الحلقه الخامسه
نورهان:لا ياياسمين موضوع الدوخه ده كتير اوى انتى لازم تكشفى
ياسمين:مش قادره يانورهان انا حاسه انى هموت ...لازم امشى
نورهان:ياحبيبتى انتى مش بتقعدى فى الشغل ساعتين على بعض
ياسمين:اعمل ايه بس؟؟
نورهان:طب هتعرفى تروحى انا اخاف عليكى تقعى فى الطريق ولا حاجه
ياسمين:لالا متقلقيش ..لا اله الا الله
نورهان:محمد رسول الله
*****
ياسمين:هو مفيش حد فى البيت ولا ايه....
مين ...مين؟؟
مصطفى:افتحى ياياسمين..انا مصطفى
ياسمين:مصطفى ....اتفضل معلش انا متعوده انى مش بفتح على طول
مصطفى:لا عادى ...كده احسن
ياسمين:تحب احضرلك الغدا
مصطفى:لا شكرا
اتجهت ياياسمين الى غرفتها وكانت تتمنى ان تسمع هذه الكلمه"لا شكرا" لانها لا تستطيع ان
تذهب لاحضار شئ ...ففتحت باب غرفتها لتحاول ان ترتاح
مصطفى :ياسمين
لم تعرف لماذا اوقفها هذا الصوت وقد شعرت بالرعب عندما
اوقفها مصطفى بمجرد انه قال
مصطفى:انا عندى شرط
ياسمين:نعم؟؟
مصطفى:قصدى شرط عشان موضوع ....الموضوع اللى حكتلك عليه نورهان
انك تتنقبى
ياسمين:بس انا مش موافقه
مصطفى:ايه؟؟ على فكره النقاب..
ياسمين:لاء انا مش موافقه اصلا على انى اتجوزك
مصطفى:... بس ...انتى قولتى لنورهان اديكى فرصه تفكرى
ياسمين:ايه؟؟انا قولت لنورهان مش موافقه مش موافقه
اندهش مصطفى من نبره ياسمين التى اوقفته ولا يستطيع ان يتحرك من مكانه
ولكنه افاق على صوت ياسمين وهى تمسك بحقيبه السفر وتتجه نحو باب الشقه
مصطفى:ياسمين انتى ...انتى راحه فين
ياسمين:انا ماشيه يامصطفى
مصطفى:ايه ؟؟بس ...طب خليكى هنا لغايت لما ماما تيجى ..طب هقولها ايه
ياسمين...............يااااااااااسمين
*******
ظلت ياسمين تمشى لا تعرف الى اين ولا الى متى فقط دموعها
تنزل على الارض لاتنقطع وكانها انهار
فقط تبكى لانها ادركت للحظه انها ليس لها مكان لتذهب اليه
ياسمين:انا جيالك يامحمد