الحلقه الرابعه والثلاثون
ياسمين روحت البيت وجه تانى يوم وياسمين ماسكه ورده
اروح.....ماروحش........اروح .....ماروحش
موبايلها رن
ياسمين:نمره غريبه
الو.......
ميدو:هاى
ياسمين:مين معايا
ميدو:مش عارفه صوتى
ياسمين بصوت منخفض :محمد ...انت بتتصل ليه .اقفل بسرعه
ميدو:انا بتصل اقولك هستناكى الساعه 8 عشان الفرح
ياسمين:لالا مش هاجى
ميدو:مستنيكى
ياسمين:اقفل بسرعه ....باى
قفلت معاه وقالت فى سرها:ياربى ايه اللى خلاه يتصل ..هو عرف نمره موبايلى منين..اه صحيح انا اللى مديهالو .ياربى !!
وهى بتتكلم مع نفسها موبايلها رن
ياسمين:تانى ..
الوو
نورهان:الو ..ازيك
ياسمين:الحمدلله وحشانى يانونو
نورهان:وانتى اكتر .انتى فين
ياسمين:فى البيت
نورهان:لسه ملبستيش
ياسمين:لا ...ليه
نورهان:بوسى عزمانا على فرح واحده صاحبتها..بصراحه انا اتخنقت من قعده البيت ..يلا نروح
ياسمين:طب احنا هنروح بصفتنا ايه
نورهان:عادى ..هى عزمانا
ياسمين:هى مين
نورهان:صاحبتها
ياسمين:هى اسمها ايه؟
نورهان:تقريبا هايدى
ياسمين:هايدى انا جايه حالا
ياسمين ماصدقت انها جت من بوسى وهتخرجمع صحباتها وقفلت الموبايل معاها ومسكت الورده وقطفت اخر ورقه وقالت :هروح
لبست وراحت ولقت ميدو مستنيها على الباب
ميدو:اتاخرتى نص ساعه
ياسمين:انا مكنتش هاجى اصلا
ميدو:ليه
ياسمين:ازاى تتصل بيه
ميدو:اعمل ايه بس مانتى اتاخرتى ومقولتليش
ياسمين:وايه اللى مخلى عندك ثقه انى جايه وسايب الفرح ومستنينى
ميدو:حسيت
ياسمين:على فكره انا جايه مع بوسى
ميدو:ههههههه ماهى هايدى صحبت بوسى
يعنى لو بوسى معزمتكيش مكنتيش هتيجى
ياسمين:اه
ميدو:ويهون عليكى زعلى
ياسمين :احنا مش هندخل ولا ايه
ميدو:اه اكيد اتفضلى يااحلى بنت فى الدنيا
دخلو الفرح وكل الناس عيونهم عليها وهى مكسوفه كتير
ميدو:ماما ..ياسمين اللى حكتلك عنها
مامتو:ياسمين مين؟
ميدو:اللى قولتلك عنها ياماما
مامتو:مش فاكره..تعالى عايزه اقولك حاجه
ميدو:لحظه يا ياسمين
...ايه ده ياماما يعنى ايه مش فاكره
مامتو:انت جايبها هنا
ميدو:طب عامليها حلو ومتنسيش انها هتكون مراتى
مامتو:تبقى بتحلم
ميدو:مش واقته ياماما الكلام ده
>>فى الوقت ده كانت ياسمين واقفه مكانها وواحده جت قالتلها<<
امل :انتى مين؟
ياسمين:ياسمين!!!
امل :ياسمين مين؟
ياسمين حست بااحراج ومش عارفه تقولها ايه
امل :قصدى يعنى انتى قريبه مين فى الفرح
ياسمين:انا جايه مع بوسى وهايدى عزمانى
امل :غريب ماشوفتكيش مع بوسى قبل كده...وهايدى عزماكى مره واحد
ياسمين:لاء عزمانى مرتين
امل :قصدى ان هايدى ملهاش اصحاب صغيرين قوى كده
ياسمين:انا مش صحبتها اوى انا جايه اصلا مع محمد
امل :وانتى تقريبى ايه لمحمد؟
ميدو جه وسمعهم وخد ايد ياسمين ومشى من قدام امل
ياسمين:فى ايه؟
ميدو:كانت بتقولك ايه؟
ياسمين:عماله تسال اسئله غريبه انتى مين وجايه مع مين وتقريبى لمحمد ايه؟
ميدو:طب ممكن متكلمهاش بعد كده
ياسمين:هى اللى جت تكلمنى
ميدو:لما تيجى متكلمهاش
ياسمين:ليه يعنى..(ياسمين لحظت انو كتير متنرفز فسكتت)
الساعه 9 ونص
ياسمين:انا اتاخرت كتير لازم امشى
ميدو:على فكره انتى مكملتيش ساعه
ياسمين:بجد اتاخرت انا المفروض متاخرش عن 10
ميدو:طب اجى اوصلك
ياسمين:لالا انا هروح مع نورهان وبوسى
ميدو:اشوفك بكره
ياسمين:ان شاالله
باى
ميدو:باى
تانى يوم.....
ياسمين ونورهان قاعدين على الطربيزه وياسمين بتحكيلها كل اللى حصل
ياسمين:وقالى هشوفك بكره قلتلو انشاالله
نورهان:يانهار اسود
ياسمين:ايه؟
نورهان:مش عليكى بصى كده اللى ماشيه دى اول مره اشوفها هنا
>>كانت بنت طويله وعيونها زرقه وشعرها قصير واصفر ولابسه بضى قصير كتير لدرجه ان بطنها باينه 0_0<<
نورهان:الحقى دى بتقرب لينا
البنت:انتى ياسمين