على فكرة يا عم أنت
و بقول الكلام ده لأي حد
اللي يقول على المسيحي إنه كافر يبقى متشدد و متعصب و مش فاهم أي حاجة
يبقى كمثل الحمـار يحمل أسفاراً
لأن ربنا حرم إن المسلم يتجوز من كافرة
لكن حلل الجواز من المسيحية و اليهودية
ليه؟؟
عشان أديان سماوية
فميجيش أي واحد يقعد يقولك المسيحي كافر تمشي وراه عشان هو بيضللك و بينشر الفتنة الطائفية
نبيك عليه الصلاة و السلام كان له زوجة مسيحية
و العرب المسلمين يوم ما فتحوا مصر إتخذوا من بناتها المسيحيات زوجات
فياربت تهدا شوية بقى عشان أنا مش بينرفزني أكتر من اللي بيزيطوا في الزيطة
و عموماً قوانين المنتدى تمنع أي خلاف يخص الأديان
عشان كده موضوعك أصلاً في رأيي الشخصي
موضوع ساذج و مخالف
و عموماً أنا مش بحتفل بالكريسماس
مش عشان الكلام الساذج اللي أنت بتقوله ده ....... عادي يعني مفيش سبب خلاني أحتفل بيه
عادي يعني
و بعدين عيد الميلاد المجيد هو عيد ميلاد سيدنا عيسى عليه السلام
حرمتوا إن الواحد يحتفل بعيد ميلاد واحد من أنبياء الله
ربنا يهديكوا
و لعلمك بقى أنا السنة دي عند فيك هحتفل بالكريسماس
حتى لو هجيب فطيرة بنص جنيه و أحط فيها عود كبريت و أولعه
ربنا يهديك يابني و يهدي الناس اللي أنت جايب منهم أفكارك دي