[AbdElLatif]

المشاركة الأصلية كتبت بواسطة !(Black Jack)! عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

هو ايه نظام اللعبه دي ؟![/SIZE][/B]

دي لعبة مهمات كده زي Medal Of Honor و Call Of Duty

بس جرافيك حلو

مع إنها مطلعتش أد كده ........ يعني لما قفلتها مكنتش شبعت منها ........ مش عجبتني بيني و بينك

لعبة واحدة بس هي اللي شبعت منها لحد دلوقتي

BattleField 1942

اللعبة دي أنا بعشقهااااااا

طويلة و مفتوحة جداً

بمعنى

اللعبة دي أحداثها في الحرب العالمية الثانية اللي بين قوات الحلفاء ( أمريكا و بريطانيا و الإتحاد السوفييتي و بواقي فرنسا ) ضد قوات المحور ( ألمانيا و إيطاليا و اليابان )

حلواة اللعبة في إيه بقى ؟؟

اللعبة أنت بتلعب فيها دور جندي في الجيش

بتكون داخل على جيش تاني

يعني مش مهمات إقتحام

لأ أنت في جيش و جنبك كتايب تانية و معارك في المدن و قذائف جوية و مدفعية ....... يعني بتحس إنك في حرب بجد

و مفيش مكان معين تمشي فيه زي Call Of Duty ........ يعني مفيش سور محدد مينفعش تطلع براه

لأ ساحة المعركة كلها مفتوحة روح في المكان اللي أنت عاوزه

بس الأهم في شوية مواقع لازم تأممها ......... هو اللعب على شوية المواقع دي ...... لازم أنت و جيشك تأمموها قبل الجيش التاني

دي ساحات حيادية

في ساحات بقى أنتوا بتهجموا على الجيش التاني بتاخدوا منه المواقع بتاعته

و ساحات العكس بتدافعوا

و الموضوع مش بيخلص بسهولة ...... مش معنى إن المواقع بتاعتك خلصت كلها أو كلهم راحوا منك إنك خسرت

لأ ممكن تستعيدهم تاني و تكسب .......... لحد ما الجيش بتاعك كله يموت

و الجيش كبير متخفش يعني ممكن نقعد تلعب في معركة واحدة 6 ساعات

لعبة بنت تييييييييييييييييييييت فاجرة

غير كده ممكن تنزل بكذا نوع من الجنود

تنزل بمهندس تصلح الدبابات و تزرع ألغام أو تنزل طبيب تداوي الجرحى أو تنزل في كتيبة الدبابات و معاك بازوكا أو تنزل قناص أو جندي مشاه عادي ......... و كله بمزاجك

يعني انت اللي بتختار تنزل إيه

و فوق ده كمان

ممكن لو زهقت من المعارك بالرشاشات تركب دبابة و تسوقها

هتلاقي اللعبة قلبت معاك دبابات يعني مش هبل زي GTA كده

لأ هتلاقي معارك دبابات فشيخة

و لو قفلت معاك دبابات روح المطار إركب طيارة هتلاقي اللعبة قلبت معاك جوي ولا أتخن لعبة طيارات

و هتلاقي قصف مواقع و طيارات تانية بتضربك و نيلة سودة

و ممكن تروح المدفعية تشتغل على المدفع

و مش هتصدق اللي هقوله ده

ممكن تروح على مركب تشتغل قبطان و تسوقها و تضرب بالمدافع اللي على المركب كمان

فيها كل حاجة تتخيلها بمعنى الكلمة ماعدا الغواصات ^^

لأ و ممكن تنضم لأي جيش كمان

يعني ممكن تروح من الحلفاء

و لما تقفلها تروح مع المحور و تلعب ضد جيشك الأولاني

أنا قفلتها بالإتنين و كان كل يوم بكتشف فيها حاجة جديدة

زي إني أسوق سفينة حربية وولود التيت ضربوها بالطيارات غرقوها ^^

يعني فيها حاجات تخليك تبوظ ^^

هبقى أجيبهالكوا في الأجازة و نبوظ سوا



بص هي دل السفينة اللي أنا سقتها ........... حاملة طائرات .....عععععععععععععع





و الصورة دي أنت نازل فيها قناص و بتنش الواد التاني الإيطالي اللي هناك ده



بص على الرادار كده و أنت تفهم قصدي

مواقع و طيارات و دبابات و لوووووز



هنا أنت راكب طيارة بس الواد باعد الصورة و شايل الإطار اللي فيه الرادار و كده



اللي تحت دي مواقع تم قصفها بس الواد عشان باعد الكاميرا الجنود اللي تحت مش باينة

بس تحت في ناس

و التاني اللي راكب في الطيارة ده جندي عادي من اللعبة أنت أخدته يركب معاك عشان يمسك الرشاش بتاع الطيارة

و ممكت تبدل معاه تخله هوا يسوق و أنت تضرب بالرشاش لو في طيارة تانية بتجري وراكوا



هنا أنت راكب دبابة أهه و طالع من الموقع بتاعك رايح موقع تاني تحرره





هنا أهه ساعة لما تبدل مع الواد اللي في الطيارة





أنا لو فضلت أجيلكوا صور عنها مش هخلص

لما تيجي الأجازة هبقى أجيبهالكوا