السلام عليكم ورحمة الله وبركاتة
أولا : ربنا يعوض عليك يا ياسر بأذن الله وبجد فقدنا شخص محترم
ثانيا : الموضوع خد حجم أكبر من حجمة معا أن صاحب الموضوع لما شاف فية كلام أساءة رد علية بكل أحترام وأدب
وتقبل الرد فا متهيألى هوا اولى من أى حد يرود على صاحب الاساءة من جديد عشان الموضوع بس مايخودش شكل
تانى
ثالثا : أما صاحب الاساءة او الرد فهوا عبدو الصراحة من أرجل الناس اللى عرفتها فى اللعبة وشخصية كويسة أما عن
الرد بتاعوة فا أنا مش عارف فى اية بالظبط بينوة وبين ياسر وللعلم انا من الناس اللى كان فية مشاكل بينى وبين ياسر
لكن الراجل عرف غلطتة وأعتزرلى وانا تقبلت دة وبالعكس كمان كبر فى نظرى أكتر لأنة عرف غلطة واعتذر عنها لذلك
انا بقول وبكل ثقة خسرنا واحد من أحسن الناس المصريين فى اللعبة بجد عشان الوقتى بقا فية مصريين أسم مش
أكتر وشخص عزيز عليا انا شخصيا
رابعا : أما عن موضوع النية اللى مستغرب منة جدا دة ان شخص يقول لشخص أخر فى وجهة ربنا يخدك يبقا
دية النية لأ حاجة جميلة خالص للعلم قال رسولنا الكريم (من كان يؤمن بالله واليوم الآخر فليقل خيراً أو ليصمت)
للتوضيح : رسولنا الكريم يقول فليقل خيرا أو ليصمت مقلش فليقل خيرا او يقول ما فى نيتة زى ما حضرتك بتقول
فى كل الاحوال اذا كانت هذة النية فى الاخر أهانة أنك تشمت فى أخوك المسلم او تتمنى لة أى ازى فى وجة أهل
هذا معقول انك تدعى فى وجهة شخص أخر بمكروة او انك تدعى علية هل هذا يسمى نية
فى الاخر أقول لا حول ولا قوة ألا بالله , ربنا يهدينا جميعا