[TheEgyptian Duke]

يــــوم من الأيــام

قرر "محب" إنه يعزم "حبيبته" على الغدا وياريته ما عمل كده

لإن البنت دى مش عاجبها العجب ولا الصيام فى رجب زى مابيقولو
شوفوا الحوار وأحكموا بنفسكوا>>>>>

"محب": تطلبي إيه؟

"حبيبته": مش عارفة إنت هاتطلب إيه؟

"محب" : أنا هاطلب بيتزا

"حبيبته": ماشي ، وأنا كمان

"محب": طيب

"حبيبته": ولا أقولك ، بلاش

"محب": ليه عاوزه حاجة تانية

"حبيبته": لأ ، مش عارفه

"محب": انتي جعانة

"حبيبته": إممم ، مش عارفه

"محب": يعني إيه مش عارفة ، أكيد الواحد بيعرف هو جعان ولا لأ

"حبيبته": نص نص

"محب": يعني أطلبلك معايا

"حبيبته": لأ

"محب": خلاص

"حبيبته": ولا أقولك ، يمكن أجوع كمان شوية

"محب": خلاص هاطلبلك وعقبال ما يجي الأكل تكوني جوعتي

"حبيبته": طيب أفرض لما يجي الأكل أكون لسه ما جوعتش!

"محب": خلاص ، خلي الأكل قدامك ولما تجوعي إبقي كلي

"حبيبته": ما كده الأكل هايبرد

"محب": خلاص نطلب أكل تاني

"حبيبته": بس كده يبقى تبذير

"محب": نبقى نأخد الاكل البارد معانا تيك أواي ونبقى نأكله بعدين

"حبيبته": طيب إفرض ما كانش ليا نفس للبيتزا بعدين

"محب": خلاص أكلها أنا

"حبيبته": وأنا ما أكلش

"محب": جننتيني ، يعني اطلبلك ولا بلاش

"حبيبته": بلاش احسن

"محب": خلاص أنا هاطلب لنفسي علشان انا جعت جدا

"حبيبته": ماشي

"حبيبته": بس أطلب بيتزا بالتونة


"محب": بس أنا مابحبش البيتزا بالتونة

"حبيبته": بس أنا بحبها

"محب": بس أنا إللى هاكلها

"حبيبته": ما يمكن على ما ييجي الأكل أكون جعت وأكل معاك

"محب": هو أنتي عاوزة تأكلي ولا لأ

"حبيبته": إحتمال

"محب": يعني أنا لازم أطلب بيتزا بالتونة علشان إنتي (إحتمال) تأكلي معايا

"حبيبته": أيوه بالظبط

"محب": طيب لو أنتي جوعتي وأكلتي البيتزا بتاعتي أنا هاكل إيه؟

"حبيبته": ما انا ممكن ما أكلش أصلا معاك

"محب": رحمتك يا رب

"حبيبته": مالك فيه إيه ؟؟

"محب": يعني دلوقتي لو أنتي ما أكلتيش ، أنا هاكل بيتزا مش بحبها

"حبيبته": يعني أنت تاكل و أنا ما أكلش؟

وهكذا .........

اتـــمنــى يــنــال اعجابكم



كلمة السر : منقـــــــول