يا شباب
أنا حالياً بفكر ملياً في موضوع الساحر ده
و إحتمال كبير ما يتنفذش
الساحر عاوز إني أبقى قاعد على الجهاز عشان أقدر أحافظ على عامل السرعة اللي حققناه بإمتياز الحمد لله مع بداية الجزء الأول
بس ده جه في دراستي
و هعترفلكوا إني أنا حولت من عمارة لمدني عشان مكنتش بروح الكلية و كنت بقعد على موضوع الساحر ده
دلوقتي أنا في مدني و لحسن الحظ إن شاحن اللاب باظ و فاتورة النت جات كبيرة فمعنديش لاب ولا نت
و لقيت إني مستواي رجع الحمد لله كويس و بحضر و مش بغيب
فعمال أفكر و الموضوع ده شاغلني بجد عشان أنا كنت إديت كلمة للناس
فلو أنتم عاوزين جزء تاني
هيبقى الرد كل يومين لمدة ساعتين في اليوم
يعني كل يومين هفتح ساعتين على بالليل كده
لو الأمور هتمشي كده
معنديش أي مانع خصوصاً إن الموضوع مش هياخد 10 دقايق في إنشاءه
و عموماً لو محمد عاوز يخش شوية خير و بركة
الحاج بانتو كتر ألف خيره كان ماسك موضوع الساحر لفترة و كان عامل شغل كويس
اللي عاوز يشتغل يشتغل يا جدعان