[White Angel]

(¯`·. ツ يــومــيــات أعــضــاء الـمـنـتـدى فـى أيــام الـمـدارس ツ .·`¯)



For




طـبـعـاً الـكـل عـارف إنـنـا فـى الفصل الدراسى الأول فى عام 2010 / 2011
-{ كـل سـنـة و أنـتـم طـيـبـيـن }-

أنــا الـنـهـاردة جـايـبـلـكـم يـومـيـات أعـضـاء الـمـنـتـدى فـى مـدرسـة
.:: سـيـلـك رود فـور عـرب ::.


فـى الـطـابـور فـى أول يـوم

Super_Man : إيه يا عم الجو ده هى ناقصة قرف على الصبح مش كفاية صاحى من 7 الصبح كمان عايزنا نقف طابور يـوووووووووه

Fire33 : على رأيك و قالك مدرسة ثانوى فيه طلاب ثانوى يقفوا فى طابور

Mr.V.I.P : الإلتزام حلو يا جدعان

WhiTe AnGeL : يا عم بلا إلتزام بلا قرف مش كفاية إننا جايين بدرى

Mr.V.I.P : بس يا جدعان هى المدرسة كدة

ToGoO_MorY : فين أيام الإجازة ، الواحد كان يصحى الساعة 3 العصر

WhiTe AnGeL : العصر هعع أنا كنت بصحى على العشاء ^^

Fire33 : و مين المدرسين الجداد دول شكلهم كدة هيبأدوها رخامة

المدرس : يلا يا حبيبى يلا يا بابا اقف حلو فى الطابور

Mastol_3la_Tool : أنا مش حبيبك يا عم أنت مين حضرتك ؟

المدرس ـ ببرود ـ : أنا مدرس الإنجيليزى يا حيلتها

Zexo : باشا و عمهم خلاص بقى يا مستر مش من أول يوم مصايب
^^

المدرس : طيب يلا اقفوا حلو

WhiTe AnGeL هامساً لـ Zexo : شكلها كدة سنة سوداء على دماغنا

Zexo : متقطعش أن شاء الله رايحيين فى داهية

فى الفصل بعد طابور نص ساعة و طبعاً محدش ولا قال تحية العلم ولا عمل تمرينات

مدرس الفلسفة : يلا يا حبيبى يلا يا بابا كل واحد يعيف نفسه
( طبعاً ألدغ فى الـ " ر " كالعادة )

Zexo : أنا مصطفى

WhiTe AnGeL : أنا أحمد

Fire33 : أنا عبد الرحمن

إلخ ... و جه دور شريف و طبعاً لم يخلى من هزاره

Super_Man : معاك " حمادة محمد حمادة "

الـمدرس : أنت هتهزى معايا و أنا قد والدك يا قليل الآدب فاكينى بلعب معاك فى الشايع
أطلع بيه استنانى عند الوكيل مستى عشماوى
^^

Super_Man : من أول يوم كدة خلاص يا سيدى خلاص أسمى شييف
^^

Fire33 : أطلع يا شريف مش عايزين مشاكل

و بعد 5 حصص منيلين بنيلة نزلنا الـBreak يدوبك 30 دقيقة

فى الفسحة
^^

Mr.V.I.P : شوفتوا يا جدعان مستر الرياضة ده عامل إزاى
لول
مش فاهم منه أى حاجة تحس إنه جاى من كفر البطيخ

ToGoO_MorY : اه ، مش عارف إزاى ده إتعين ؟ مدرسة كوسة

Wally : يا جدعان حد معاه سندوشات ، أنا جعـــــان

Super_Man : يا عم روح إشترى أنا مش ناقص ، فصل أسبوع من أول يوم
ده أنا دخلت موسوعة جينيس يا جدعان
^^

Cresbo20010 : ههههههه تريقة مع سبق الأصرار و الترصد

Mysterious : لا يا جدعان كله كوم و البت الجديدة دى كوم تانى خالص

Fire33 : اه يا سافل

Mysterious : حد راشق معايا ؟

WhiTe AnGeL : لو مكنش ياسر خلص و راح الكليه كان زمانه راح معاك
^^

Zexo : ليه يا معلم أمال أنا روحت فين ;)

WhiTe AnGeL : بس بس محدش يشتم الناظر جاى

WELFA : يا عم ناظر على نفسه

الناظر : بتقول إيه يا حبيبى ؟

WELFA : لا بقول ربنا يخليلنا ناظرنا حبيبنا ^^

الناظر : اه ماشى

TeMoN1 : إيه يا جدعان واقفين لوحدكم ليه هنا

Mr.V.I.P : مفيش أصل العيال الصغيرة بتاعت إبتدائى دى مالية الملعب

Baby Love : يا جدعان محدش يعرف حصة الألعاب يوم إيه ؟

TeMoN1 : لا ، دول حتى موزعوش جدول مدارس آخر زمن

King Of World : عايز ألعب كورة يا جدعان بقالى كثير قوى ملعبتش

الفسحة خلصت و فاضل 4 حصص
فى الفصل

المدرس : أنا مش عايز أوريكم وشى الثانى

Mr.V.I.P : يادى الإسطوانة المشروخة بتاعتهم دى

المدرس : بتقول إيه يا عمر ؟

Mr.V.I.P : لا ولا حاجة يا مستر

Fire33 : مش عارف المدرسين سمعهم بقى قوى أوى كدة ليه

WELFA : اه و لما تيجى تقولوا أن نقصت ليه ، يعملك فيها من بنها أو الصين
^^

ToGoO_MorY : إلحقوا يا جدعان شريف زوغ و طلع بره و عيال صيع من الشارع أتلموا عليه ضريوه و مرمى فى مكتب المدير تحت بعد لما بتاع الأمن جابوا من الشارع

WELFA : يستاهل علشان يحرم يزوغ تانى

Mastol_3la_Tool : مين اللى ضربه علشان نطلع نقلبها عليهم جحيم

ToGoO_MorY : الواد " مشمش " و صحابه

Mastol_3la_Tool : مــيــن : مشمش " بس برده يا جدعان شريف غلطان مين اللى قاله يجر شكلهم

DeadlY_Waves : أنت رجعت ورا ليه ، لا مش من أول يوم هنضرب

Zexo : ده أجنا هنأكل ضرب يا جدعان
^_~

King_Cribo : متخفش أنا معاكوا هــااااااااااا مين هناك ؟

KingOfDevils : لما نشوف يا عم هيركليز

بعد اليوم الدراسى ، نزلوا كتيبة الإعدام ^^ للواد شريف

WhiTe AnGeL : يا نهار أسود يا جدعان إيه يا عم أنت كنت فى الخلاط ولا إيه ؟

Super_Man : بس يا عم مش ناقصاك

WELFA : مشمش اللى ضربك ؟

Super_Man : أنا شوفت مشمش و بعد كدة عينك ما تشوف إلا النور يا عم

WhiTe KnighT : ده إحنا هنطلع القطط الفطسانة عليه ، متخفش

Super_Man : بلاش يا جدعان دول ممكن يعملوكوا كفتة
^^
اهــــــ يا رجلى

Mr.V.I.P : هم فين ؟

Super_Man : فى أول الشارع يا سيدى

كله طبعاً عمل ذكر و راح و كانوا بتاع 20 واحد يعنى شوية كويسين يعنى ،
10 دقائق و جه مشمش

King_Cribo : إيه ياض يا وش مزعل شريف ليه ؟

بعد صوت قلم على وش كابتن هيما طلع يجرى هو و 5 من الفصل

WhiTe AnGeL : أنت فاكر نفسك بلطجى يعنى

مشمش : اه ، عندك مانع

WhiTe AnGeL مرتعش : ايوة طبعاً ، بلطجى على نفسك مش علينا

مشمش : طيب ، ياض يا سرنجة هات العيال بتوع الفجالة و بتوع الدويقة و هات بتاع 150 واحد كمان و كل واحد بسلاحه هنقفل المدرسة دى النهاردة من أول يوم

WELFA : حضرتك يا برنس ، ليه بس إحنا عملنا حاجة ؟

مشمش : هو كدة ، إذا كان عاجبك

Zexo : أجرى يــاض أنت و هو مش عايزين نضرب

طبعاً كله فص ملح و داب و اتبقى شريف Super_Man علشان رجله كانت مكسورة
و طبعاً الأسطى مشمش عمل الواجب معاه و روقه

صـعـبـان عـلـيـا أوى

__________________________________________

أرجـــو أن يــنــال الـمـوضوع إعجابكم
....
إلى اللقاء مع يوم آخر من يوميات أعضاء المنتدى