السلام عليكم
حضرتك اكيد مصرى ممكن اعرف ليه مش بتكتب عربى؟
ايه الغلط فى اللغة العربية ؟
انا دخلت موضوعك و الله مفهمتش و لا كلمة غير اخر سطر الى مكتوب بالانجليزى
انت عايز تعمم الفرانكو فى المنتدى دة الى فهمتو من اخر سطر
تفتكر لما كل الناس تتكلم فرانكو ايه الى هايحصل للعربى ياعنى المصرين
يبقو مش بيفهمو انجليزى و كمان بعد شوية مش هايفهمو عربى
بس الحمد لله هايبقى بيفهمو فرانكو !!!!!!
كفايه اللعبة اللعبة المفروض الناس تاخذها فرصة و تتعلم اللغة الانجليزيه منها
لاء احنا فبمخنا و تفكرينا اخترعنا لغة مش موجودة و ملهاش اى لازمه للتخاطب بيها
بدل ما نتعب شوية و نتعلم لغة اخرى تنفعنا فى حياتنا انا لما بدات اللعبة كانت اللغة
الانجليزيه عندى مش قد كدة الكلام دة كان من اكثر من 4 سنين الحمد لله دلوقتى
اتحدث الانجليزيه بطلاقة و بترجم افلام و مسلسلات لبعض المواقع الخاصة
و الى خلانى اعمل كدة اللعبة بدل ما روحت اتعلم فرانكو
الفرانكو هاتخلى الناس لا تتعلم انجليزى و تنسى العربى الى هوه لغتنا الاساسيه
منتظر رد حضرتك فى سؤالى هذا
لماذا تتحدث فرانكو و ليس عربى او انجليزى ؟؟؟
ارجو الرد على السؤال اخى الكريم