[Un_Wanted]

كان واجبا علينا أن ننعى هنا ع المنتدى من كان معنا دائما
فى السراء والضراء

ونقول : فين أيامك يا خمسة جنيه ياورقية





خامس (خالص) تعازينا للفقيد الخمسة جنيه الورق
وربنا يصبر أهله ويرزقهم الصبر والسلوان

والبركة ف وريثه الوحيد الخمسة جنيه المعدن
هو اللى هيكمل المسيرة وعلى نفس خطى والده

بس للاسف الناس مش طايقاه
لانه عيل فانكى وبيشخشخ
ودايما مصدر ازعاج وبيتنطط ف كل حتة

وربنا مايكتبش المصيبة الجلل دى على أى عملة ورقية تانية


ومن جهتها زعيمة العملات الورقية
فئة المائتين جنيه

قد أجرت اجتماعا طارئا تشجب وتستنكر مصيرها وباقى العملات
(وابقى قابلنى )

وتضمن الاجتماع الاتفاق على الاعتصام امام البنك المركزى
حتى توافق الحكومة على مطالبها
ورد الاعتبار للعملات الورقية
فى ظل تأييد من كافة طوائف الشعب للعملات الورقية

ولم ينتهى الامر عند هذا الحد
بل اجرت اتصالاتها بالدولار الامريكى واليورو الاوروبى
واوضحت لهم كيف وصل الامر هنا للعملات الورقية

وكان شعار الاعتصام
" ورق ورق ... ياحكومة عايزينها ورق "