بص يا جامد مع أحترامى لكل الأعضاء بس خد المعلمومات دى منى ثقة ومتخفش :
اولا / الجيم هيزودك اه بس هتكون زيادة عضلية يعنى 0% دهون وطبعا طالما هتكون زيادة عضلية صافية يبقى هتاخد وقت كبير اوى علشان جسمك يتغير .
ثانيا / لو عايز وزنك يزيد بقى يبقى تستخدم مكملات بروتينية فيها نسبة كارب (كربوهيدرات) وفيها نسبة دهون هتستعملها يوميا بالجرعة المكتوبة على العلبة بس متلعبش أى رياضة وانت بتاخدها علشان تزيد بسرعة .
ثالثا / للناس الى بتقول المكملات الغذائية فشل كلوى و غلط على الكبد وبتاع احب اقولكم الكلام دة صح بس انتم فاهمين الكلام غلط خالص وطبعا دى بتبقى عايزة خبرة فى لعبة كمال الأجسام علشان تبقى عندك خبرة كويسة .
طبعا فى السبب فى الفشل الكلوى او الكبدى أية بقى , هى حاجة من اثنين مالهمش ثالث :
1- يكون المكمل مضروب يعنى بايظ او مكوناتة مغشوشة ودى مشكلة كبيرة ولتجنب المشكلة دى بتجيب مكمل محترم أمريكى أصلى علشان تضمن مش أكتر لكن برضو فى حاجات فى مصر كويسة مش وحشة بس الواحد مش ضامن علشان كدة بنجيب الأمريكى .
2- إنك تزود الجرعة المطلوبة أملا فى الزيادة السريعة ودة غلط جداا جداا علشان بيبقى فى تحميل على الكبد والكلى .
وبعدين علشان تطمن أكتر فى حكمة بتقولك إذا زاد الشيء عن حده انقلب إلى ضدة , يعنى حتى لو انت كلت طبيعى مثلا كل يوم بتاكل لحمة تفتكر دى حاجة كويسة وهتخليك وحش لا بالعكس دة هيجيبلك مرض اسمة نقرس وهتتمنع من أكل اللحمة تانى وهتتعب جامد ولو كلت بيض كتير مثلا نسبة الكوليسترول فى الدم عندك هتزيد جااااااامد ودة خطر جدا , اللى أقصدة إن انت لو كلت طبيعى او مكملات بس بالكمية اللى محتاجها جسمك وليس جشعك هتبقى تمام ومش هيحصلك أى حاجة .
رابعا / لو انت أقتنعت وقررت تجيب مكملات أمريكى أكيد هتقولى الحقنى بيها وسعرها كام ومفعولها أية ....... متقلقش هقولك يا سيدى :
بص فى مكملات كتير لزيادة الوزن الأمريكية الأصلية زى :
تروماس / ميجاماس 4000 / سل ماس
لكن كثير من الناس فضلت الميجاماس من حيث زيادة الوزن
وانت برضو ممكن تبحث عنة فى جوجل وتشوف النتائج وممكن تلاقى منتج أحسن منة .
ودة رد دكتور فى موقع طبى على واحد بيسأل عن مميزاتة وعيوبة :
السؤال
ما هي فوائد وأضرار البروتين {ميجا ماس}؟
الإجابــة
بسم الله الرحمن الرحيم
الأخ الفاضل/ عدنان حفظه الله.
السلام عليكم ورحمة الله وبركاته وبعد،،،
فإن (ميجاماس) يحتوي على البروتينات والنشويات والحموض الأمينية والفيتامينات، وهي من المكملات الغذائية، وهي عبارة عن مستخلصات من مواد غذائية تحتوي على قدر كبير من البروتين ويضاف إليها الفيتامينات والأملاح وكذلك الكربوهيدرات، وأحيانا يضاف إليها قليل من الدهون، وهي تؤخذ بالإضافة إلى الوجبات الرئيسية للمساعدة في زيادة الوزن بطريقة سريعة وخاصة عند من يريد أن يزيد حجم العضلات كما هو في صالة الحديد وصالات التمرين لكمال الأجسام.
وأخذ كمية من هذه البرويتنات لا بأس به، إلا أنه يجب أن تعلم أن هذه البروتينات ليست أفضل من البروتينات الموجودة في الغذاء من ناحية بناء العضلات، فقد وجد في الدراسات أنها ليست أفضل من البروتين الموجود في اللحوم من ناحية بناء العضلات، ودائما ينصح بتناول طعام صحي ومتوازن حسب حاجة الجسم أفضل من المكملات الغذائية، إلا أنه لا يوجد ضرر من هذه المكملات طالما أن الإنسان لا يتجاوز تناول الكمية القصوى من البروتينات التي يحتاجها الجسم، وهي بحدود (2 جرام) لكل كيلو جرام من وسط الجسم، فإذا كان وزنك سبعون كيلو جرام فيجب أن تتناول (140 جرام) من اللحم يوميا، بالإضافة للأطعمة الأخرى والسلطات والخضروات والفواكه.
وأحيانا يمكن زيادة هذه الكمية بقليل لتصل إلى (2.5) في حالة الفترات التي تقوم بها الرياضة ببناء العضلات.
وأما الإنسان العادي فإن احتياجه هو (1 جرام) يوميا من البروتين لكل كيلو جرام من الوزن، ولا يوجد أفضل من الأطعمة الطبيعية، وتأثير البروتينات الإضافية طالما أنه في الحدود المنصوح بها والتي ذكرناها فإنه لا بأس بها على أن لا تزيد الكمية القصوى من البروتينات من الطعام وحده أو من الطعام مع المكملات مع بعض ما يعادل 2 جرام لكل كيلو جرام من وزن الجسم.
وبالله التوفيق.
-------------
وفى النهاية الإختلاف فى الرأى لا يفسد للود قضية بس انا حبيت أفيدك من واقع تجارب شخصية (لانى جايب مكملات غذائية بس انا عكسك يعنى انا جايب مكملات بروتينية لزيادة العضلات الصافية علشان بلعب كمال أجسام)