[Al.Qanas]

السلام عليكم ورحمه الله وبركاتة

الرد دة هقول فيه رأيي انا واللى انا شوفته.

الأول انا بشكر فعلا الجيلد عندى لأنهم لعبوا لعب جامد جدا خصوصا أخر 20 دقيقة
وبقول لشركة جوى ماكس طظ فيكم ع اللى بتعمليه فينا

أولا الإيجابيات كانت متمثله فى المتعة فى اللعب ودة كان موجود فعلا خلال طحن دام ساعة ونص لحد اخر دقيقة
ثانيا بالنسبة ليا فى انى كنت متواجد مع 12 لاعب من الجيلد عندى

السلبيات اللى واجهتنا .. اول حاجة اللاج الفظيع طبعا .. تانى حاجة الدى سى الجماعى المفاجئ دة
تلاقى 5 مرة واحدة اخدة دى سى .. وانا اخدت دى سى مرتين من غير اى مبرر بصراحه ودة ضيع علينا وقت كتير

كمان ضمن السلبيات بالنسبة ليا .. الجيلد اللى كانت بتهجم اول الفورتريس اختفوا فى تانى هجوم وبوظوا الخطة اللى احنا رتبناها

بمعنى ان المفروض انى سبت الهارت لنوبيلز بحيث اضيع عليهم الوقت ونهجم تانى وهنبقى كتير بنهجم حوالى 4 جيلدات ودة هيسهل علينا اننا ناخد الفورتريس فى الوقت الاخير ويبقى سهل جدا الاحتفاظ بيها

فجأة أختفى جيلد EGYPT وجيلد MaGiC__POP وكمان جيلد GOD_FiGhTeRs
واكتشفت لاحقا ان ناس كتير منهم كانوا بيضربوا فى ال Defense Camp وسايبين الابراج وسابين الهارت
مش عارف ليه مع ان الديفينس كامب مش بيعمل حاجة يعنى تستاهل انه يتكسر قبل الهارت والتاور

فإضطرينا اننا نلاعب نوبيل لوحدنا وكنا تقريبا نفس العدد ونفس الباور
لكن للأسف الوقت مساعدناش
ضاع حوالى ربع ساعة فى دى سى وعلى ما اتجمعنا تانى
وضاع ربع ساعة اتشتتنا فيهم ومش عرفنا نجمع البارتيات جمب بعضها
لكن فى اخر 20 دقيقة كسرنا البرجين وكسرنا 3/4 من الهارت

ومعلومه حلوة اننا كسرنا 3/4 من الهارت فى 3 دقايق بالظبط
يعنى لو كان فيه دقيقة كمان زيادة او دقيقتين كان زمان الفورتريس معانا بس هيا فرص طبعا وقدرات

فملخص للمجمل
ان فعلا كان فيه تعاون جدا من الجيلد عندى ولعب تمام التمام خصوصا اخر 20 دقيقة زى ما قولنا
والمتعة انه كان فيه ضرب من الفريقين وناس بتموت من هنا وناس بتموت من هنا وكانت حرب جميله جدا

السلبى ان الجيلدات التانية سابتنا وراحت بعيد عن الضرب خالص واختفوا.

من الشئ السلبى بردو واللى زعلنى جدا
انى قولت للكل محدش يضرب حد من يونيون مصرى .. واكيد ناس كتير من جيلد ايجبت عدوا من جمبى
ومنهم VALINT و Baggy وانا قولت لفالينت هاى وسلمت عليه من غير ما اضربه لانه مش بيضرنى فى حاجة

لكن انا شوفت ناس خصيصا من جيلد MaGiC__POP بيضربوا ناس من الجيلد عندى وعلشان كدة انا ضربت ناس منهم
وناس من عندى ضربوهم .. وكمان كانوا بيعملوا زيرك علينا ^^

افتكر انها ملهاش لزمة الا فى حاله انك هتاخد الفورتريس او داخل تاخدها .. لكن انتى مش ضربتوا الهارت ولا جيتوا معانا واحنا بنهاجم ع الهارت .. يبقى ليه تضرب غيرك ؟!

عمرها ما تكون مشكلة او حاجة تزعل لو فيه منافسة بين الجيلدين مين هياخدها .. لكن هما مش حاولوا ياخدوها خالص. فمكنش ليه لزوم تضرب ناس صحابك يعنى او ناس تعرفهم وانا منبه عليهم ميضربوش حد منكم.

هكمل ردى بعد ما اشوف ردود الناس علشان مش اطول اكتر من كدة فى الرد دة.
خالص تحياتى
Al. Qanas