ف حبك يا مصر
بحور الشعر
ننساها
و بكتبلك على الأشواق
أنا المشتاق تضميني ..
أنا الشاعر ..
بحالة عشق فياضة
أنا نفسي أكون نيلك
و قنديلك
و انور لك أنا ليلك
أكون لحنك
و أغني لك
عن الأشواق
وعن عمرك
وعن شمسك
وعن قمرك
وع الأغصان
يا غصن زتون
حمام ابيض
تاريخ وحضاره جواكى
ياست الحسن
يا شيله الحزن من قلبي
و زراعه الحب جوانا
وحشتيني وأنا معاكى
أنادي لك
أنا جيلك
أنادي لك ..
تضميني
وتخدينى
تلاقيني ..
أنا في نيلك
وعديلك من الأهوال
وان طالت ..
هموم الدنيا
لو مالت على كتفك
اشيلها لك ..
وعديلك صعاب وصعاب
بحبك يا مصر وبقوه
يا نبض القلب من جوه
يا دم بيجري
في عروقي
كتبت لك
ومن شوقي
بحب في شعبك الطيبه
وروح النصر
بحبك يا مصر .