[merrymoments]

المشاركة الأصلية كتبت بواسطة Al.Qanas عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

Hellp Every Body I'm Backz

بسم الله الرحمن الرحيم ..
الرد بتاعى هيكون طويل حبتين بس معلش اعزرونى لانى قريت كتير ومحتاج ارد على كله فى رد واحد :)
اتمنى الناس تقرا الرد بالكامل مع انه طويل .. بس فيه كلام كتير مفيد سواء كنت مبتدأ او محترف ولو حتى هياخد من وقتك نص ساعة :)

مبدأيا وبشكل صريح المصريين فى سيرفر Eos عبارة عن Noobs ودة واقع مش خيال :)
الحق مش بيتزعل منه حتى لو كان علينا بس هيا دى الحقيقة.

قله قليله جدا جدا جدا جدا اللى ممكن تكون كويسة فى اللعبة.

أولا خلينا فى فكرة المساعدة.
بشكل مبدأى انا مش بقتنع بموضوع انى ألفل الناس او حد يلفل حد لان دة كسل التلفيل ممكن يبقى لحد ليفل 70 او 75 بحيث ان مفيش بارتى اقل من كدة يعنى.
بعد كدة فيه بارتى وينج وفيه بارتى كيف وفيه بارتيات كتير جدا وبتدى اكتر من التاكسى
يبقى ليه تعطل غيرك انه يتلفل طالما انت بإمكانك انك تلفل نفسك ؟
هتقولى مش معاك بوت ؟؟ طيب ازاى هتلعب اللعبة .. طيب لما توصل ليفل 87 مين هيعملك تاكسى ؟؟ ولا هتقف على كدة

لازم يكون فيه موضوعية فى الكلام شوية يعنى .. انا مثلا قناص عندى ليفل 99 يعنى يقدر يعمل تاكسى وينج كويس جدا .. بس ليه منكونش زى غيرنا .. انت مثلا ليفل 80 .. وانا 99
ليه توقف التلفيل بتاعى وتعطلنى عن انى ابقى ليفل عالى وانافس غيرى من الاجانب فى حين انك ممكن تعمل بارتى بنفسك او تشغل البوت وتزيد 24 ساعة وتلم ايتمات وتبيع وتجيب جولد .. وتلم الكسير وتعمل +5 و +6 زى الناس التانية ؟

دة اسمه الاعتماد ع الذات .. ودة شئ بيمز الاجانب عننا طبعا .. مفيش حد فيهم بيحتاج للتانى .. اه ممكن يساعدوا بعض بس مش بيعطلوا بعض ابدااااا .. يعنى انا اعرف مصريين كتير ويمكن اغلبهم وكتير منهم فى المنتدى
علشان محدش بيلفلهم .. وقفوا ع الليفل بتاعهم دة من زمااااااااااااااااااااااااااااااااااااااااااااااان
وناس عملوا فارم وخلصوه ووصلوه 110 F.F وقربوا يخلصوا الفارم التانى .. واحنا المصريين محدش بيعتمد على نفسه ولا بيعدى ليفل ..

يبقى نقطة رقم 1 : الاعتماد ع الذات .. بملخص مفيد اننا نلفل نفسنا بنفسنا زى كل الناس ما بتعمل .. والمساعدة تكمن فى البارتى .. انا اساعدك امتى ؟؟ لما اقولك تعالى نعمل بارتى حلو نلفل نفسنا ونلفل سوا .. هيا دى المساعدة الصح.

__________________________________________________ _____________________________________

نيجى فى موضوع فهم اللعبة اصلا ..
انا شايف ان بنسبة 85% من المصريين بالكاد فاهمين اللعبة .. يعنى يادوب عارف اللبس والسلاح وشكرا
فى حين ان اى حد بيلعب اللعبة دى المفروض يكون على علم بال Stones وكل ستون بتعمل اية
ويعنى اية مثلا Parry Ratio ولزمتها اية .. ويعنى اية Block Ratio ويعنى اية Mag Atk علشان لما يكون معاه ايتم يكون عارف مدى قوتة وعارف هو محتاج تعديل على اية .. مش يكون بيلعب بأيتم وسلاح كله 0% ؟؟ طيب هتعمل بيه اية يعنى ممكن تفهمنى ؟

يبقى نقطة رقم 2 : فهم اللعبة ودة بيجى رقم 1 من الممارسة يعنى تحاول تلعب فى كل حاجة حتى لو هتبوظ حاجة .. كله بيتعلم من كدة ورقم 2 من السؤال والفهم والبحث ولو على سبيل المثال فى المنتدى التعليمى

__________________________________________________ _____________________________________

نيجى لموضوع القوة داخل اللعبة نفسها
طبعا كله عارف بنسبة 95% ان المصريين فى السيرفر سكيلاتهم مش تمام ومش كلهم F.F 110 او بأسوء الاحوال 104 f.fودة شئ صعب جداااا. لان الاسكيلات مهمة جدا انها تكون ماكس علشان بتفرق جدا فى الضربة ودا لازم يكون فاهمه كل مصرى بيعمل اكونت جديد ويفهم انه محتاج فارم ولو هيستنى شهرين يعمل فارم .. ع الاقل يطلع بمليون سكيل مثلا ويجمع الباقى فى الطريق .. يبقى اسمه سكيلاتة حلوة

نيجى لنقطة اللبس والسلاح ودى فعلا المصريين متميزين فيها انهم بنسبه 99.99999999% مش يجوا حاجة جمب الاجانب والاتراك والالمان
طبعا هتقولى طيب انا اجيب منين فلوس اشترى +6 و +7 ونوفا والكلام دة

انا هديك مثال حى وعليا انا شخصيا يعنى
انا الحمد لله الجولد بتاعى فى يوم من الايام وصل ل 19 بليون واظن دة رقم تاريخى يعنى فى السيرفر اصلا
بس انا شوفت ناس معاهم مبالغ مقاربة لكن معدودين جداااااااااا ودة كان قبل الديجرى 11 وقبل ما يبقى فيه نوفا بالشكل دة . دلوقتى متستبعدش تلاقى حد معاه اكتر .. لكن قبل كدة كان صعب ومستحيل الرقم دة

انا الحمد لله عمرى ما شحنت جولد .. ولا شحنت بوت بفلوس .. ولا شحنت سيلك بفلوس ولا اشتريت سلاح بفلوس
كل الفكرة انى عندى اكونت Stall وفاهم كويس فى الكميا فبعمل مثلا stones str وبعمل مثلا سلاح +5 واعمله فل بلو وابيعه ..

ودة مرتبط بالنقطة رقم 2 وهيا فهم اللعبة كويس .. وفهم السوق محتاج اية واية اغلى حاجة .. واية اقل حاجة ممكن تشتريها وتكون رخيصة ولما انت تلعب فيها وتظبطها تبيعها بأضعاف الاضعاف. وانك تلاقى حاجة رخيصة جدا مثلا ومش تخصك . ممكن تشتريها وتبيعها تانى بالضعف وتفضل بالشكل دة تجمع جولد

وقتها تقدر تشترى full nova وتقدر تشحن بوت بالجولد .. وتقدر تبدل سيلك بالجولد

ومثالا على كدة انا فعلا اشتريت اكونت كااااااامل مش لبس نوفا بس ... اشتريت اكونت كامل full nova ومليان خيرات من جوة وشحنت البوت بتاعى وكل شهر بشحن برميم وجلوبالات وديفل .. بدون ا ادفع اى فلوس برة اللعبة

افتكر دة مثال صالح لأى واحد مثابر او كان بيسئل ازاى ممكن يعمل كل دة فى حين انه مش معاه فلوس او فى حين انه لسة صغير وسنه صغير ومصروفه مش كتير ..

يبقى نقطة رقم 3 : ان قوة الاكونت بتاعك بتعتمد على ذكائك انت .. الاجانب بيستخدموا فلوسهم .. واحنا المفروض نستخدم علقنا لان عمر ما فلوسنا هتبقى زى فلوسهم .. وقوة الاكونت بتاعك تكمن فى سكيلاتة ولبسه وسلاحه وفى طريقة استخدامك ليه .. فينصح ان كل واحد مش فل فارم .. ميتعبش نفسه ويحاول يعمل اكونت جديد ويعمله فارم.

__________________________________________________ _____________________________________

نيجى لموضوع الهوية المصرية
وهيا هوية كل شخصية فى اللعبة نفسها .. بمعنى ان بنسبة كبيرة فى المصريين يمكن توصل 20% ودى نسبة لا يستهان بها فى موضوع زى دة .. هيا شخصيات قيادية .. مش بمعنى كويس
يعنى شخصيات تحب تكون شخصية قيادية وبس.
يعنى مش يحب يكون فى جيلد عادى .. لاء هو يحب يكون جيلد ماستر .. علشان كدة بنلاحظ وجود ما لا يقل عن 15 جيلد مصرى غير معروفين ولا معروف مين فيهم ؟!
دة طبعا خطأ كبير جدا .. لان المفروض شخصية ماستر الجيلد متوفر فيها كتير جدا
اولهم انه يكون كبير فى السن. السن مش شرط دايما فيه صغار فى السن وعقلهم حلو
بس فعلا يتطلب حد يكون كبير فى السن ويكون الكل بيكن ليه احترام
يكون فاهم اللعبة كويس ويكون خبير فى اللعبة وبقاله فترة فيها ويكون بردو ليفل حلو
يكون حلال للمشاكل وهادى ولسانة نضيف ومحبوب بين الناس

على النقيض تلاقى جيلد ماستر نصاب مثلا او جيلد ماستر لسة مسجل فى السيرفر امبارح وعامل جيلد ؟؟
طيب هدخل معاهم على اساس اية ؟! طبعا No Comment

يبقى نقطة رقم 4 : بيتحدد اتنين او تلاتة ويفضل فى البداية يكون واحد بس. يعمل جيلد تحت شعار مصرى يكون جدير بالثقة ويبدأ ينظم الجيلد ويحط قواعدة. فى حاله ان الجيلد بقى 40 واحد او اكتر .. نبدأ فى تكوين جيلد كمان ويمسكة واحد تانى يكون خبرة فى اللعبة وجدير بالموضوع دة فعلا. وتنتهى الشخصيات القيادية اللى مش ممكن تساعد
فى الحاله دى هتبقى عندك عدد بسيط من الجيلدات وفيه اكبر عدد من الناس مع احسن او اجدر ماستر يقدر يقودهم.

__________________________________________________ _____________________________________

الموضوع الاخير اللى لازم يكون كله مدركة فى الموضوع دة
الفن والتكتيك فى اللعب. بمعنى ان ممكن يكون معاك اكونت ليفل 110 فل فارم .. فل نوفا +8 وزى الفل .. وتلاعب واحد ليفل 105 يادوب +5+6 ويكسبك .. طيب ازاى
كما كان الحال معايا لما كنت لسة مشترى الاكونت النيوكر بتاعى .. لانى معرفش فيه اوى لسه
لكن التكتيك بمعنى انك تعرف تستخدم انهى سكيل فى انهى وقت بالظبططط وانهى سلاح فى انهى وقت
ودة بيجى منين ؟؟ تروح عند ال pvp وتشوف اى واحد نفس نوع شخصيتك ويكون حلو وتشوفه بيلعب ازاى .. او تعمل سيرش على ال YouTube وتتفرج .. وتاخد من هنا ومن هنا وتكون نفسك وتعرف ازاى تستخدم كل سكيلاتك واوقاتها المناسبة

مثلا الفورتريس محدش من المصريين يعرف عنها حاجة غير تقريبا اللى كانوا فى PuNiSh3rZ وهجموا معايا لفترة كبيرة
او المصريين اللى كانوا فى جيلدات تانية وبردو يمكن مش يعرفوا كل حاجة
لان الفورتريس مش بتتلخص فى كلمتين .. يمكن مثلا جيلد EGYPT هجم كذا مرة لكن مش كفاية بردو .. الفورتريس غير انك تكسر وتاخد الهارت وخلاص .. فيه حاجات اكتر من كدة بكتير لازم كله يكون عارفها
ولازم يكون فيه تخطيط وترتيب .. ودة كله مش هيجى من فراغ طبعا لازم نبحث ونتعلم وندور ونجرب

يبقى نقطة رقم 5 والاخيرة : التفنن فى اللعب وكثرة التجربه والبحث ومعرفة اساليب الهجوم والدفاع وكيفية استخدام الشخصيات المناسبة وطرق اللعب عليها والخدع وكل دة.

__________________________________________________ _____________________________________

لو حاولتوا تجمعوا معايا النقط ال 5 دول

أولا واحد فاهم اللعبة كويس وقرر يعمل اكونت جامد ..
عمل فارم ولو فارم بسيط وطلع الاكونت بالبوت بتاعة .. سواء فى بارتى او بيلفل لوحدة
وصل ليفل حلو وبقى فل فارم ..
جمع جولد او عمل تاكسى واشترى ايتمات حلوة وشحن سيلك او شحن جولد أيا كان
وبقى معاه اكونت لليفل حلو وسكيلاتة جميله ولابس لبس محترم

دخل فورتريس ولعب PVP وعرف ازاى يستخدم الاكونت بتاعة
وكان شخصية كويسة جدا ومش شخصية قيادية وبس وراح دخل الجيلد اللى اتكلمنا عليه اللى هو الجيلد المصرى

لو فعلا كل الناس عملت كدة .. ومن خبرتى طول السنين فى اللعبة دى وخبرتى فى السيرفر دة من ساعة ما اتفتح
اقدر اقولكم انهم ممكن ياخدوا هوتان فى ظل يونيون حلو .. ولو من غير يونيون او اتنين جيلد بس .. ممكن ياخدوا جانجان لفترة مؤقتة لحين تكوين يونيون كامل.

طبعا الكلام سهل .. لكن التنفيذ صعب
انا عن نفسى عملت كل كلمه انا قولتها فوق والحمد لله مكانتى كويسة جدا فى السيرفر
سواء قبل كدة بقناص قبل الديجرى 11 .. كنت فل فارم وكنت 98. وكنت بقدر انى اموت ناس لابسين سوس وصن
وسواء دلوقتى وبردو بمجهودى انى قدرت اجيب الاكونت دة وغيرت فيه كتير لحد ما بقى كويس وقدرت استخدمة

انا مفرقش عن اى واحد فيكم فى حاجة ولا انا مبتكر ولا ان مخترع ولا انا خارق الذكاء
كل الحكاية انى قررت .. فكرت .. حطيت رسم فى بالى .. وبإرادتى حققتة

لو فعلا كل واحد مصرى عنده اراده وفكر بالشكل دة
يبقى نظام السيرفر هيتقلب بالكااااااااااامل

وخدوا منى الملحوظة دى كمان .. اكتر من واحد هيقرا الرد بتاعى دة ومش هيبقى عنده ارادة يعمل اى حاجة وهيفضل مكانه محلك سر .. ودة بنسبة 90% للأسف ..

طبعا الرد كبير جدا بس انا حبيت اطلع كل الكلام اللى عندى
فى شكل اللى انا شايفة وفى شكل نصايح وفى شكل نتايج
يعنى رد كامل متكامل يتضمن كل حاجة

شكرا لكل اللى قرا كلامى
واتمنى ان السيرفر يتغير قريب
خالص تحياتى
AL. Qanas

شكرا على ردك ليه أحمد بس أنا فيه كذا حاجة من الإنت قلتها عايز اعلق عليها بس مبدئيا أنا دلوقتي لفل 97 أهو يعني بروح party ومش مستني تاكسي من حد وعمري ماطلبت تاكسي free من أي حد ......المهم.....طب أنا دلوقتي لفل 97....وارد جدا اني مالاقيش بارتي ساعات إيه المانع بقى اني فيال وقت ده أنزل أساعد ناس قال مني في el-lvl يعني مثلا أنا والله وأنا قلت كده قبل كده ومنغير ما أقول مين الأنا بساعده بس أنا مثلا واحد لفل 96 إيه الينزلني camp 15 وأنا ممكن أروح L.T.P هناك وبردي بروح f-parties هناك عشان أساعد ناس صحابي فيوقت أكون فاضي فيه ماهو مثلا إيه المانع إني أنزل أساعد ناس بدل ماأفضل وقف في المدينة afk مش باعمل حاجة طب ماهو منغير منتكلم عن حد مصري غيري وغيرك عندك واحد زي I_duru_I ده إيه اليخليه وهو لفل 109 ينزل f-mobs 102 يدخل pt مع ناس أعلى واحد فيها لفل 90؟ أهو ده واحد turkey ودي حاجة من البتعمل فرق بينا على فاكرة ان واحد زي ده مثلا ينزل يلفل الاتراك القال منه في اللفل ومثلا واحد زي Shaytan_054 ده أنا مش فاكر اسمه إزاي بالضبط بس ده واحد لفل 110 دلوقتي إيه الينزلوا في mobs لفل 100؟ وده راجل el-set بتاعته جامدة يعني ممكن يعمل تاكسي هناك ومع ذلك برده بينزل عشان يلفل صحابه وال اترك المعاه فيال جيلد أو صحابه عموما وبتسأله إيه الفرق بينا وبين الاترك وال ألمان أهو أنا قلت على الاترك...بيساعدوا بعد طبعا ده غير انهم كتييير قوي بيجيبوا premium+ ومعاهم جلد على طول دي حاجة مش مهما قوي اد إن احنا نلفل بعد....لأن ممكن فيه ناس مش بتحب تصرف على game كتير وأنا واحد من الناس دي يعني أنا بالكتير أجيب 100m كل فترة عشان مصرفش كتير وأهِه برده فلوس كويسة بتسعدني أجيب يطمس واظبطها وابيعها وأنا عمل مكسب من الحكاية دي 500% بس خلاص بقى الجلد اتباعتر xD المهم....مش هقولكم اده لبعض items أو gold أنا بس بأقول مفهاش حاجة لو فيوقت كنا فاضيين فيه نلفل ناس أقَل مننا عشان عندك الاترك دول ناس بتفضل تساعد بعد الواحد فيهم مش بيبدأ بارتي أو يدفع فلوس إلى من أول لفل 90 مثلا يعني مبيحصلش ونشوف واحد عمل فرم لبارتي كتب بت موبس 95 B3 ي هاف لفل 110 ويزارد؟ ده سواء تركي أو غيره مش ناس أهِه لفل علي بتلفل بعض؟ وده برضه أنا مش بجبر حد عليه بس بأقول نساعد بعض اختياري مش اجباري وأهو برده وال أنا حاولوا ده اتقال كتير قبل كده هو لو إنت سعيدة واحد مش هيجي يوم تحتاج إنت مساعدته يعني حوالي 90% من الإنت هتساعدهم دول لو حصلك أي حاجة هيساعدوك el-10% التانيين دول ممكن يكونوا ناس مش كوايسس أو غيره وفي أي حاجة بنشوف ناس زي كده بس برضه مش فيه ناس كويسة هتساعدك؟ وبرضه ليه أحمد مع احترامي ليك إنت دلوقتي مراقب السيرفر فممكن بكل بساطة تعمل موضوع وكل واحد عنده معلومة f-silkroad يحط المعلومات العنده وده مش هيكون حاجة صعبة إنك تخليه موضوع مثبت عشان هو هيكون مفيد لناس كتير وأهو زي ماإنت بتقول 90% من الناس الفي silkroad عندنا f-eos مش فاهمين اللعبة كويس وإنت راجل عندك معلومات أنا عندي معلومات بس برضه أكيد إنت معلوماتك مش كاملة 100% ولا أنا برده فيمفهاش حاجة لو كل واحد حت المعلومات العنده فيموضوع عشان ينفع بيه ناس تانيين وممكن برضه نعمل موضوع عن الناس المستعدة إنها تلفل الناس الاقل منه ونشوف مين جاهز ومن امتى ولو اتوزعت علينا كلنا مفيش حد هيحس بتعب ولا حاجة...وطبعا أنا مش قصدي ان الناس اللفلتها قليلا دي تستنى تاكسي على طول هي برده زي ماأحمد قال لازم برده تعتمد على نفسها بس مش 100% يعني عشان لو 100% من أول لفل 1 يبقى قدامه كام سنة بقى على مايوصل لفل 110 ده تكون اللعبة عملت لفل 150 إن ماكانش أكتر.
آسف على الاطالة
وأتمنى إن الناس تكون فهمتني كويس وقرأت الكلام للآخر
مستني ردك في الموضوع يا أحمد أو نشوف قريبا موضوع تاني عن الناس الممكن تساعد بعد بـمعلومات أو لفل أب...
الختام سلام ^^ cya .