[Al.Qanas]

السلام عليكم ورحمة الله وبركاتة ..



الأول أحب أقول لكل المنتدى وكل الامه الإسلامية كل سنة وأنتم طيبين بمناسبة قرب حلول شهر رمضان المبارك
أعادة الله علينا وعليكم وعلى سائر الأمه العربية بالخير واليمن واليسر والبركات

طبعا كلنا لاحظنا مواضيع كتير بتتكلم عن ان المصريين دول جامدين مثلا أو حلوين وجدعان
ومواضيع على النقيض بتتكلم ان المعامله مع المصريين فى اللعبة دى مش حلوة وان محدش بيساعد حد
وناس تانية شايفين المصريين من وجهة نظر تانية خالص غير الاتنين اللى فاتوا وليهم رأى تانى فى الموضوع دة
وناس بتعمل نفسها اجانب علشان يتجنبوا التعامل مع المصريين لأسباب هما عارفينها والله اعلم اية هيا

فكل واحد مننا شايف المصريين اللى هو احنا بردو واصحابه فى اللعبة بشكل معين او شايف جزء منهم بشكل معين
والجزء الآخر بشكل تانى خالص. او ممكن يكون بيقسمهم قسمين او تلاتة أو أو أو ,, إلى آخرة ..

وناس شايفه حاجات كتير وحشه. بس بتحاول ترميها ورا ضهرها وبيحلوا بوضع تانى مختلف خالص للمصريين فى اللعبة
نظام جديد واتحاد اقوى .. وحاجات كتير حلوة.

أنت مين فى دول ؟
شايف المصريين أزاى ؟
وبتحلم ليهم بإيه ؟

الموضوع مفتوح للنقاش ويكون موحد ومثبت ويخص الكلام فى اى حاجة عن المصريين
وياريت بلاش فتح اى موضوع تانى شبيه لدة لأنه هيتحذف.

مستنى آرائكم علشان أتكلم أنا كمان وأقول رأيي.
والسلام ختام
تحياتى
Al. Qanas