[seta.man]

مش شايف يا باشا ان احنا كده خرجنا عن موضوع النقاش الي هوه كان في الاصل بيتكلم عن جمال والبرادعي

ودخلنا الاخوان في السكه وعمرو سليمان وعمرو موسى والرجل الثاني في مصر - (نفسي اعرف مين ده؟؟ بجد والله ) - وامريكا واسرائيل والحرب!!!!!!

عن طريق أبن أمريكا .. المدعو .. البرادعى

أسأل الله .. ان لا يمكن له حكم مصــر ..

الرد ده على فكره اتاخد عليك بواحده
لان ده يعتبر اتهام على حاجه انت مش على درايه بيها
وزي ما انت كتبت فوق من شوية

طيب و أنتوا عرفتوا منين .. يعنى علمتم الغيب أم ماذا ؟؟

مش انت برده الي كاتب كده؟؟ منين بتقول انه ابن امريكا هل انت عرفت الغيب؟؟؟؟
بجد الكلمتين دول اتاخدو عليك مش هطول في الحته دي الكلام

ومن يضمن ان الاجندة السياسية للبرادعي ليست مملاة عليه من الخارج ..

هرد عليك هنا رد بسيط
لو الشعب المصري قدر يعمل التغيير الي البرادعي يتكلم عليه
فساعتها تتأكد ان الشعب نفسه يقدر يحط اي ريس ويشيل اي ريس ولو طلع البرادعي زي ما انت بتقول كده هيتشال وقتي وهيتشال بسهوله جدا عشان الشعب هيكون عرف الطريق خلاص ومش محتاج حد زي البرادعي عشان يوجهه (عشان كده انا قلت في ردي الاولاني ان التغيير في حد ذاته انجاز)

من يريد .. ان يحارب .. فليتفضل .. إسرائيل لها حدود .. مع ثلاثة دول .. و مصر الرابعة .. بالاضافة الى البحر .. فليتفضل الاسطول التونســــــــي الجزائـــري المغــربي الموزمبيقـــي .. و ليذهب قبالة السواحل الاسرائيلية و ليفرض حصاراً بحرياً ..

أنما .. أنتم جالسين .. فى بلادكم .. و تقولوا .. يا مصر أعملى .. يا مصر حاربي ..

و مش مهم .. شباب مصر يموتوا .. و النساء تترمل .. و أطفال تتيتم .. و شباب فى عمر الزهور .. يكونوا معوقين .. ومصـر هيا اللى تشيــل الليلة لوحدها ..

و كل دة .. و ياريت .. عاجب .. لا شتايم و قلة أدب على مصر و شعبها ..

أقول لكم .. زمن عبد الناصر .. زمن الفوضي .. أنتهى ..

و السادات أستوعب الدرس جيداً .. ومن بعده الرئيس مبارك .. أستوعبوا الدرس ..

لذلك .. العرب يكرهون .. الرئيسان السادات و مبارك .. و يحبوا جمال عبد الناصر ..

علشان كان بيحارب لهم ..

متعجب جدا بصراحه مش عارف ايه الي دخل الكلام ده في الموضوع بتاعنا خالص؟؟
مش عارف ليه حاسس ان تفكيرك مشتت شوية
وكان ممكن تعمل الكام مشاركه دول في مشاركه واحده عشان الاعضاء تعرف تستوعب اسهل

تقبل مروري