عندي اضافات بس للموضوع عشان في ناس كتير بتتكلم على شخص هيه مش تعرفه اساسا
مين هوه البرادعي ده اساسا؟؟؟؟
حد واخد باله من الجزء الاخير ده؟؟ اصل بتهيألي عدى عليه رد بيقول ان البرادعي هوه الي قال ان العراق فيها نووي
لحد حالا البرادعي مترشحش ومش هيترشح الا لما يعمل التغيير والي هوه بيتمثل في ....
وبتهيألي التغييرات دي مش فيها اي حاجة ضد مصلحة الدوله ....
لان كل الحاجات دي متضرش اي حد هيرشح نفسه قصاد البرادعي ولا ايه؟؟ (الا لو هوه مش كويس طبعا)
والتغيير ده مش معناه ان احنا موافقين على ان البرادعي يبقى رئيس جمهورية
التغيير ده لمجرد التغيير
وانا شايف ان الحاجات دي لو اتغيرت تبقى كفايه اوي للشعب المصري بعدها يبقى يدور على شخصية الرئيس مين
من الردود الي الي ضحكتني بصراحه
لقيت واحد كاتب لا احد يصلح لحكم مصر
ممكن نعملها من غير حاكم .... 80 مليون مش شايف فيهم واحد عدل ؟؟؟ فعلا احنا يمكن مش محتاجين رئيس احنا محتاجين شعب جديد ودوله جديده
ده البيان بتاع التغيير
الي بيأيد التغير
(التغير بس مقصدش البرادعي) يوقع على بيان التأييد هنا عفوا ,,, لايمكنك مشاهده الروابط لانك غير مسجل لدينا
[ للتسجيل اضغط هنا ]
والي يقول حاجه يا جماعه ياريت يبقى فاهمها قبل ما يقولها
وع فكره جمال مش هياخدها وعلى جثة الشعب المصري لو ده حصل
والايام بيننا
والناس الي شايفه جمال عدل .....فمحدش هيقول كده الا الناس الي عيشتها مستريحة
اقصد الي بيروح مدرسه خاصه ولغات وعنده عربية بسواق وبيطلع يقعد في التكييف لان الي زي ده مش بيحس بالأسره الي بتعيش بمتين جنيه في الشهر او الناس الي مش لاقيها عيش عشان كده بيشوف ان جمال كويس وبيشوف ان مبارك كويس برده
لانه حاسس انه مش ناقصه حاجه ودي على فكره يا جماعة انانية في التفكير
والناس الي مش واخده بالها تشوف
وهديكو نبذه عن مساوئ مبارك
وما خفي كان اعظم
واكيد جمال بيأيد سياسة مبارك يعني نفس المميزات ونفس المساوئ او على الاقل هيبقى التفكير قريب
وبقه اخيرا
انا شايف ان مجرد تغيير مبارك واختيار حاكم اخر بإرادة الشعب ده في حد ذاته انجاز عظيم
وركزوا على كلمة (مجرد تغيير)
الاجزاء الي فوق مقتبسه من عدة مصادر من مواقع رسمية ما عدا الاقتباس الاخير طبعا ولو ان الي كتب المساوئ دي كان حنين اوي على مبارك
تقبلوا رأيي وانتقادي بصدر رحب