[شموخ انثى]

بص يا عزيزى

اللى بيعاكس ده حاجه من الاتنين

يا اما التربية مش مظبوطة وفيه درجة انحراف كبيرة - يا اما الشخصية نفسها فيها عقدة النقص

بمعنى
انه حاسس بفراغ كبير في حياته وعاوز يثبت انه حاجه او حاسس انه قليل في الدنيا فعاوز يكون حاجه كبيره طبعا هو فاكر انه لما بيعمل كدا البنت هتجري وراه لا للاسف البنت بتستحقر اللى بيسوى كدا انما اللى بيعاملها باحترام بتعامله بالمثل

بس خلى بالك زمان كان فيه قيم الناس بتحترمها لكن دلوقتى مفيش احترام لاى حاجه كله بيجرى ورا الماده وورا انه يكون نفسه ويجيب شقه اذا عرف يجيب ويحاول انه يعيش حياته فهتلاقى 90 % ابتعدوا عن قيم الاسره والاحترام المتبادل بين الجنسين

الزمن دلوقتى اتغير مش هنقول ان زمان كان فيه كذا وكذا لان برضه كل وقت وله عيوبه ومميزاته

لكن قيم الموده والتراتبط تصلح لاى زمان ومكان

الشباب اللى من النوع اللى انت ذكرته هتلاقيهم متفككين اسريا بمعنى ان ممكن يكون والديه منفصلين او الوالد مشغول باستمرار وسايب الحبل على الغارب او ان الام مش واخده بالها من الاولاد


نقطه تانيه مش هنجيب برضه كل حاجه على الولاد بس - البنت برضه ليها دور

بمعنى

انها لو محترمه في تعاملها ولبسها عمر ما حد هيبصلها بصه غلط او هيقولها كلمه غلط

انما لو لبست غلط ومشيت غلط واتكلمت غلط يبقى تستحمل اللى يجرالها


وفي الختام

يا ريت نرجع زي زمان - نحب بعض ونود بعض من غير مصالح