انا اول مرة أرد على موضوع من مواضيعك لانة بصراحة شدنى بطريقة جنونية بجد اقسملك بالله انى كنت بقرا الموضوع وانا فرحان وحاسس بإن دى حقيقة بتحصل .
المهم بقى إن الحلم دة يمكن اكون بحلم بيه وانا نايم وانا صاحى فى كل وقت بجد .
أخيرا أحترمك بجد لان دماغك كبيرة فعلا وبصراحة مش هتلاقى زى الدماغ دى كتير .
أقولك على حاجة تانية ولو سمحت متزعليش منى بس ورب الكعبة دى الحقيقة انتى ممكن تلاقى ردود كتير على مواضيعك بس صدقينى معظم اللى بيرد بالعربى كدة بيتمنظر بردة وتلاقية منسقة وأخر حلاوة وتلاقية كاتب فى الرد شعر كمان وكل دة لمجرد إنك بنت !!! وقلما تجدى شخص صادق فى كلامة وردوده إلا قليلا من الناس .
انتى عارفة والله انا علشان أمنع نفسى من انى ممكن حد يقول عليا نفس الكلام بقيت أى موضوع واحدة هى اللى كاتباه ممكن أدخل أقرا الموضوع فعلا وممكن أتفاعل معاه بشكل جدى بس مش برد ممكن ردى يبقى جوايا وربنا يشهد مدى صدقى .
انتى عارفة قبلك كان فى ناس ربنا يبارك فيهم بجد بتعمل مواضيع عظيمة بس تلاقى الردود كلها مشكور وإن كانت كمان ردود قليلة اوى .
انتى عارفة لو عملتى موضوع جيد مش هتلاقى ردود كتير !! بس جربى كدة تحطى إسم تانر حسنى ولا عمرو دياب بغض النظر ان الاثنين انا بحبهم بس مش معنى إنك بتحبهم يبقى كل يوم تعمل موضوع عنه وتقول انا بحبة يا باشا والله عرفنا احنا مالنا طيب بس نقول أية بقى فى شغل الأطفال .
أخر كلمة منى بجد عن ظهر قلب ربنا يكتر من أمثالك سواء ولد أو بنت .
يا رب ردى يلاقى قبول من الناس