الحلقــــة الاولــى
القنوات الفضائيه
بنسمع كتير عن قنوات بتنزل جديدة وطبعا كل قناه بتعمل الدعايا الخاصة بيها
عندك مثلا روتانا سينما
يفضلو يقولو روتانا سينما مش هتقدر تغمض عنيك
ودعاية كتيرة وشو ومعرفش ايه
وةاكتر كلمه بيقولها روتانا سينما مش هتقدر تغمض عنيك
الناس دى كدابه لانى ساعات ببقى بتفرج عليها وبنام وعادى
يبقى فين بقى اللى مش هغمض عينى ده
وكايرو سينما
والدعاية بتاعتها بتقول السينما جت لحد عندك
اللى يشوف كده يقول افلامها جدبة اخر حاجة
وتيجى تتفرج تلاقى افلامها حمضانه وقديمة اخر حاجة
وبانوراما دراما
الدعايه بتاعتها بتقولك بانورما دراما دلوقتى وقتها
لما ده وقتها طب قبل كده كان وقت ايه يعنى هى لو فتحت قبل كده مكنش هيبقى وقتها
ولا اعلانات التلفزيون
زى مثلا بيريل
تلاقى فى الاعلان يقولك استرجل واشرب بيريل
يعنى لو انا مشربتوش مش هبقى راجل ولو شربته هبقى راجل طب لما اشربه هحس بايه
صوتى هيعلى وهيطلعلى شنب
طب لو انا نسيت وشربت بيريل بتاع المواعين هيحصل ايه
صوتى هيزيق مثلا ولا حنجرتى هتلمع م النضافة
والله عالم هبلة هههههههههههههههههههه
واعلانات السمنه بقى
يقولك سمنه اميرة طب مين اميرة دة بنت اخت المنتج ولا بنت اخوه مثلا
لا ومفتحين قوى يجيبوا فرخة خشب بتلمع على اساس انها مشويه
وطبعا الناس طيبه وعلى نيتها وجعانين برضو بيشرتو سمنه اميرة (الله يباركلك يا اميرة )
واعلانات البسكويت والشكولاته والكيك والشبسى
تلاقى فيهم اللى يقولك معرفش لو كلت هتديك باور جامد جدا
والشبسى المقرمش والمشرشر
وكله شغال يامعلم
وادينى فى الهايف وانا احبك يا فناننس
وبكده تنتهى الحلقة الاول
ومستنى رايكم وتعليقاتكم على الاعلانات اللى بتشوفوها