بص هتلاقي كتير اوي يقولولك معلش لفلي دلوقتي انا معييش فلوس والله الفلوس علي الشخصيه التانيه واول ما هفتح اديهالك . المهم انو يحلف لو صدقته وخلص وقته . انسي انك شفته او تعرفه او هو يعرفك وفي الحاله دي كذاب . لو رفضت هيعمل حاجه من الاتنين
1- الفلوس هتظهر وفي الحاله دي هو كذاب
2- هيشتمك ويقول عليك سكامر وبرده كذاب
غير كدا بقي لو مقلكش الكلمتين دول . هيقولك النص ده بالظبط
ازيك يا مان عامل ايه ايه اخبارك عامل ايه يا راجل فينك من بدري ؟
محدش بيشوفك ليه ( قال يعني انا قافل وهو مش عارف يكلمني )
يا مان احنا عشره عمر دحنا اخوات دخلني فري والنبي
ترد : انا والله مش معايا جولد محتاج جولد
يرد : يعني كدا يا مان تخسرني عشان جولد ( علي اساس اني اعرفه اصلا )
ترد : معلش يا حبي مافيش حاجه في ايدي وانا محتاج جولد ولو حتي اخويا دخل التاكسي هدفعه
يرد : دا احنا اصحاب يا عم واكتر من اخوات عيب عليك يا صاحبي اللي انت بتعمله ده
ترد : طب اعمل ايه يعني هتيجي تدفع انا مش هكلف نفسي اتش بي و ام بي صدقه جاريه اقولك علي حاجه انا ممكن اعملك انت بس تخفيض ومش هعمله لحد غيرك
الرد عليك هنا بقي بيكون : ******************************* (شتايم ملهاش عدد وف الحاله دي انت لازم تعمل بلوووووووووووك )
طب علي ايه يعني . انا مستغني اني اعمل تاكسي او الفل حد
الواحد مش هيموت علي ال 200 الف دول
مستوره والحمد لله ^^