[seta.man]

بسم الله الرحمن الرحيم

اولا شكرا علي المرور الكريم

ثانيا الله ينور عليك وضحت حاجات مهمة بردو مكنتش علي البال

ثالثا حضرتك كلامك كلو عن الرامات اللي نازلة مصر اللي المستوردين جابوها من الصين "مصر و صين" اعتقد الناس فاهمه و انا كان قصدي علي original مش المضروب بتاعنا ده

و حضرتك قلت ان DDR2 من DDR3 حاليا و ده فعلا كلام مظبوط منطقي بس كنت لازم تكتب جمبها "في مصر"
يعني مثلا انا اعرف ناس عمرها ما تشتري هاردوير من مصر بتطلبها من امريكا او دول الاتحاد الاوروبي و تدفع بالدولار او اليورو و رأيي ان هو ده الصح

و زي ما حضرتك قولت برضو كل حاجة بتنزل في الاول مش بتاخد حقها بس انا كاتب ان دي رامة المستقبل يعني مثلا بعد سنتين تلاتة اما واحد يحب يجيب جهاز جديد و يبدع فيه بروسيسور و بورده و رام و فيجا اكيد متتطلبات الجهاز دي كلها حاجات حديثة لسه نازلة و الحاجات دي كلها اكيد بتتطلب لتشغيلها DDR3 هيعمل ايه؟
مش هيبقي قدامه حل غير الDDR3

وانا متوقع زي ما الDDR انقرضت و معدتش بتنزل ال DDR2 كمان هيحصلها نفس الحكايه

و مشكور لي المرور مرة تانية نورت الموضوع

تقبل مروري

العفو يا برنس

انا بس اتكلمت عن الرامات الي نازله مصر من منطلق اسم الموضوع الي هوه اوله "حتى لا يحتار المشتري"
فاكيد بنسبة 90% المشتري ده من مصر وهيشتري من مصر
وعندي ايضاح برده هوه الي عندنا مش مضروب بس الفكره ان احنا عندنا بيشتروا فرز تاني وتالت ورابع وساعات خامس
وبالنسبة للنقطه الي انت قلت اني كان المفروض اكتب جمبها في مصر حضرتك تقريبا مخدتش بالك من الحته دي

بس حاليا الرامات الموجوده في مصر نوعية رديئة

انا برده مختلفتش معاك في حتة انها رامة المستقبل عشان تقريبا انت مختش بالك من الحته دي

انا متوقع انها لازم هتاخد وضعها بعد فترة وده المصير الحتمي بس لحد دلوقت لسه مخدتش وضعها

و ddram2 فعلا مصيرها تقل من السوء بس استحاله تنقرض عشان انا عايز اقولك اننا لحد النهارده بنبيع في الشركه رامات sd ram و rd ram الي هما كانو قبل ddr1 اساسا
وده لسبب ان الاجهزه القديمه كتير اوي منها بيتباع تقطيع وده بيبقى اكسب وافيد لشركات الكمبيوتر يعني ممكن تصلح بجهاز تقطيع خمس اجهزه من نفس مواصفاته

وملاحظه بسيطه للاعضاء ان كل ما ما الرامه الي انت عايزها قدمت سعرها اعلى يعني مثلا احنا بنبيع الرامه 512 sd ram بتاع الاجهزه البانتيوم 3 ب 100 جنيه وفي نفس الوقت بنبيع 512 الي هيه ddram1 مثلا من خمسين لسبعين جنيه
وطبعا الحاجات دي مفيش منها جديد كله مستعمل
هيه المعادلة صعبه شوية بس السبب في كده انها قليله في السوق والحاجه كل ما كانت قليله ومطلوبه كلما زاد سعرها

واخيرا مشكور جدا لتقبلك اضافتي بصدر رحب والي زيك في المنتدى هنا قليل والله كان ممكن غيرك ينفسن ويفكرني بتفلسف عليه

الى الامام دائما ومنتظرين جديد مواضيعك