بسم الله الرحمن الرحيم
في طريقة جديدة للنصب والسرقة انتشرت ونجحت جدا
عبارة عن ناس بتعمل مواضيع في اقسام البيع
وبتعرض للبيع اكونتات فارم
مثلا ( للبيع اكونت فارم معاة 3 مليون سكيل بوينت )
ويحط صورة لأكونت مثلا معاة 2 مليون او 2.8 ويقولك خلاص فاضلو كام يوم ويجيب 3 مليون سكيل بوينت
ويحط سعر مشجع جدا ومغري
مثلا 150 - 200 جنية
طبعا انتا تلاقي الموضوع الفارم يشجعك وسعرك يشجعك تروح متصل بالزبون
مساء الخير .. مساء النور حضرتك عارض للبيع ؟؟ يقولك اة
طب انا عايز اشتري
هيسئلك انتا منين هتقولو انا من القاهرة .. يقولك انا من الاسكندرية
طبعا انتا تحس انو نصاب .. يروح مزودك امان ويقولك
1- خلاص انا ممكن انزلك القاهرة بس هتشيل حق المواصلات .. وهيقولك مبلغ تافة جدا عشان انتا توافق مثلا 30 - 40 جنية
2- يقولك خلاص هبعتلك حد قريبي يبقي وسيط بينا
هتقولي طب انا كدة هقابلو .. وكدة هقبال قريبو ؟؟
هقولك فين النصباية دلوقتي
لما هوا هيجي يقبلك هيبقي يا عيني راجل جي من سفر وتعب وميعرفش اي مكان في القاهرة وطبعا هيقولك ميدان رمسيس او العباسية .. منطقة زحمة ومقطوعة واستحالة تلاقي فيها سيبر .. ولو لقيت استحالة تلاقي فيها silkroad .. هيروح نازل مقابلك وطبعا هيكون بليل علي 7-8 بليل
ويسلم عليك واخبارك اية وبتاع وتلاقية محترم وطريقة كلامو تخليك مطمن ويروح مطلع ورقة وكاتبلك البيانات ويقولك يا باشا لو مش مصدق تعالي نبص هنا ولا هنا علي سيبر
دة علي اساس انكو في منطقة كلها سيبرات ... جايبك موقف مكروباصات وبيقولك سيبر
وطبعا انتا هتلف شوية مش هتلاقي حاجة هتثق فية وتديلو الفلوس .. وهوا ممكن يكون ساكن في اخر الشارع
وتكتشف انك دفعت فلوس في ورقة .. ومفيش اكونت ولا حاجة وممكن يطلع اكونت لفل 1
خلي بالكم
متشتريش سمك في مية