أنت على جهازك دلوقتى ....قاعد ومرتاح...حقيقى مرتاح ولا بتضحك على نفسك ....أنت بيتك اللى انت ساكن فيه دا مريحك .....لأ لأ مقصدش بيتك اللى هو بيت العائلة قصدى ببيتك جسمك...أيوة جسمك مريحك ولا محتاج شوية ديكور ......محتاج مش كده طب إيه اللى منعك إيه اول حاجة لما بتيجى سيرة كمال الجسام بتقوم واقفة زى موس قطع الفكرة فى مخك قبل حتى ما تبقى مجرد خاطر أقولك انا :
*الكسل: يا سيدى اجعل الحافز بتاعك المؤمن القوى خير وأحب إلى الله من المؤمن الضعيف خلى هدفك أنك عايز تعيش عزيز مش منحنى قاوم كسلك دا أسبوع واحد وصدقنى زى ما كل واحد فينا لما جا يبتدى يصلى كانت الصلاة صعبة عليه واتعود عليها وبعدين حبها هتلاقى الحكاية مشيا معاك بنفس النظام بعد مرور أسبوع واحد.
*بلاش الكسل جايز معندكش وقت: أبوس أيدك بلاش الحجة اللى ملهاش أى معنى دى ,كل واحد عنده على القل ساعتين فى اليوم فاضيين دا لو أيه, لو بقى ماسك 30 شركة فى بعض, دا غير ساعة راحة على الأقل كمان , قلل ساعات نومك عشان تفضى لنفسك وقت بمعنى بتنام 8 ساعات يوميا خليهم يا سيدى 7 ساعات كفاية طحن......عموما 3 أيام فى الأسبوع ساعة (أو 2 لو كنت واخد الموضوع بجد ) فى كل يوم من ال3 دول كفاية اوى اوى وهقولك بإذن الله تعمل أيه فيهم...قريب
*عندى وقت ومش كسلان: بس أنا مليش تقل على شيل وحط دا انا ضهرى يتقسم.......أغبى رد سمعته فى حياتى وأغبى مبرر أول يوم مع أى عضلة دا بيكون تعب شديد فعلا.....لكن لما تلعب على العضلة دى الأسبوع اللى بعد , التعب دا بيروح اوتوماتيك تماما , لما بقى تيجى تقولى ويسكى هيتقسم تبقى بتهزر........