[Ahmed Tamim]

اول مره اعرف ان الموت مختنق لأبتلاع شئ

بيعمل تهشم فى عظام الجمجمه و كسر فى الفك والأنف
وكدمات فى جميع انحاء الجسم

...خالد بعد ما قتلوه فى الشارع خدوه و بلعوه كيس مخدر بانجو
علشان يبان انه بلعه وده سبب الوفاه
و رجعو رموه فى الشارع و اتصلو بالاسعاف خدوه
فى اجرام اكتر من كده فى انعدام ضمير اكتر من كده


يا جماعة دى حكاية خالد بالكامل




ودى صورة عيلته

هذه الصورة تم تصغيرها تلقائيا . إضغط هنا لعرض الصورة بحجمها الطبيعي. أبعاد الصورة الأصلية 720x540 .


خالد محمد سعيد
شاب مصري عنده 28 سنه من منطقة كليوباترا بالاسكندريه
و صاحب مكتب استيراد و تصدير
كان قاعد في نت كافيه في وقت متاخر بالليل
و دخل بتوع المباحث بيفتشوا كل اللي قاعدين باستخدام قانون الطوارئ..

خالد اعترض و قال احنا بنتفتش ليه

كان تمن السؤال البرئ ده ان اتنين مخبرين مسكوه و نزلو فيه ضرب في المحل و في الشارع و في مدخل عماره جنب النت كافيه
ولما فقد وعيه قعدوا يخبطوا وشه في الرخام بتاع السلم و في مدخل العماره علشان يفوق
أخدوه وهو جثه و حطوه في البوكس و بعد 15 دقيقه رجعوا رموه ف الشارع لما إكتشفوا إنه مات

كل واحد فينا ممكن يكون خالد

خالد ماكانش ليه علاقه بالسياسه من قريب او بعيد زى معظم المواطنين المصريين
ولا عمره انضم لاى تيار او حزب سياسى
لكن ده ما منعهومش من تعذيبه وقتله
بلطجة الداخليه واحده بإستخدام قانون الطوارىء مش بتفرق بين سياسى و مواطن عادى

يا ترى هانسكت ؟


لذلك ندعو كل مواطن مصرى يحترم كرامته و آدميته الى وقفة احتجاجية أمام وزارة الداخلية بلاظوغلى يوم الأحد الخامسة مساء احتجاجا على جريمة التعذيب و القتل الوحشية التى تعرض لها الشاب خالد محمد سعيد على يد الشرطة بدون ذنب ... اذا لم يحركنا الدم فمتى نتحرك ؟

أسماء من قاموا بالإعتداء على خالد وقتله

المخبرين : عوض و محمود الفلاح

و ضابط المباحث : أحمد عثمان

من قسم سيدي جابر بالأسكندرية


كلنا خالد سعيد


المصدر كريز ى مان