[Zenger]

بسم الله الرحمن الرحيم


الموضوع ده لكل عضو جديد عايز ينزل السيرفير معانا او لسه جديد في السيرفير

-- السيرفير ده لسه جديد

--- السيرفير اصعب من سيلك العادية في التلفيل

---- الجولد مفيش اصعب منه

----- ليك خمس ساعات بس اليوم تلفل فيهم

بس رغم ده السيرفير عاجبنا علشان

1-فيه اوروبي

2-على طول في ايفينت

3- حاجات السلك بتباع بجولد

4-سهل تاخد اي يونيك
________________________________________________

وانا من 5 شهور كد بدات العب على السيرفير

وصرفت مصاريف كتير علشان السيلك واجيب لفل عالي

المشكلة معظم الناس اللي نازلة جديد بيقول فين مساعدة المصريين

هو مش قصدة المصريين هو قصده انا


انا الحمد الله بساعد المصريين كلهم
مش معنى اني اساعدهم يبقى الفلفهم و اديهم جولد
انا عامل اكبر من كدا
انا معاكم في المنتدى عالطول بجاوب على كل استفسارتكم
جايب البوت ومتكفل بيه
ديه المساعده الصح للمصريين

غير كدا انا بني ادم ... في كلية وعندي امتحانات .. وعندي مشاغل تانية غير اللعب

مينفعش ان المصريين كلهم نازليين السيرفير معايا علشان انا الفلهم

انا يادوب وقتي على ادي اكونتي والمنتدي وشوية للجيلد وكفاية اوي كدا

-----------------------------------------------------------------

حرام كل يوم واحد يعمل موضوع يقول دا محدش بيساعدني دول مش مصريين وكل يوم يتغلط فينا

انت لو كنت شفت احنا بنعمل ايه اول مانزلنا مكنتش هتعمل كدا

عايز تنزل معانا اهلا وسهلا هتلاقي مصريين تتكلم معاهم بس متحملش حد فوق طاقته

---------------------------------

اخر حاجة عايز اتكلم فيها انا مش عامل موضوع قايل اني بابيع سيلك

انا حاطيط اميلي بس في التوقيع وقايل اني ببيع

يعني المنتدي مش مسئول ان الاسعار مش عاجباك ومالكش انك تكلم في المنتدى عن الموضوع ده


انا اسف اني طولت عليكم ... بس في الاخر ده لمصلحة كل الاعضاء