[I_The_Mist_I]

قصيده مين حمار اتخنق
عجبى عليك يا ابن ادم قومت الدنيا وما قعت لما قالو حمار
هو اسمى شتيمه ولا جنسى ده عار خلقنى ربى وخلقك ومحدش له خيار
وانا مهما زاد الحمل فوقى صابر على المشوار ولا يوم اقول اشمعنى
ولا فى يوم ابوص لرزق غيرى واطق منه واغار
ولا ارفع فى يوم عنيى على جارتى واصون الجار
ولا مهر ادفع لحمارتى ولاشبكه وسوار ولا شقه اجمع فى تمنها
ولا اجهز دار ولا حرمى حامل تتوحم على الكافيار
ولا بنت تخرج عن طوعى وتجيب العار
ولا ابن يدمن ويهلوس ويقع ينهار عايش فى حالى متهنى وليه افكار !!!
باكل واشرب وانهق ومافيش اسرار وعندى ابن ادم يخدمنى ليل ونهار
ان جعت يشترى برسيمى بأغلى الاسعار وفى مرضى يفضل يعالجنى
ويدعى ويقول يا ستار
خادم امين من غير راتب ولا حتى ايجار
والان عرفت يا ابن ادم ......
مين فينا الحمار؟؟؟