ايوه
انا عندى 20 سنة ( العمر كله يارب وياكم )
المهم
الاصدقاء بيروحو ويختفو ويجو غيرهم ودى معروفة ( اول ما ينتهى المصلحة او حتى التلفونات والخروجات والمواضيع اللى بينهم تخلص ) بيبعد كل واحد عن الاثنى ويقول اصلى كنت مشغول
رغم ان الانشغالات كانت بتكون مع بعضهم
وطبيعى الخيانة من الاصدقاء واااردة 100%
يعنى انا مش بآمن لاى صديق بمعنى كلمة أآمن انى اديله اسرار ممكن يآذينى او يذلنى بيها
لكن ممكن دردشة بس
انا جربت اكتر من مرة خيانة بسبب بنات وكده بس عادى مش هيفرق دول تعبانين وصدق من قال اعرف صاحبك وعلم عليه
وحكاية الشغل
بعد ما الواحد يخلص دراسة وتمام كل واحد يحب يكون احسن من الثانى
يروح يقدم بشركة ومايقلش
يقول دى كذا وكذا ومالهاش لازمة وهو يكون فيها
لو ربنا كرمه يقولك حاضر من عينيا ده انتا اخويا ووووو وبعد كده ينفض وهكذا
ودى اسمها ( اهم حاجة تسجيد الزبون )
بصراحة انا فى الدنيا دى اتعلمت شىء
اللى مش خسارة فيهم الخير والمعلومات والشغل والاسرار وكل شىء ( الاخوات فقط )
غير كده بقى باخد مثل ( اتعامل مع كل صاحب بطريقته ) كذاب يبقى اكذب عليه
كويس ابقى معاه كويس
وبس
تسلم على الموضوع الحلو
بانتظار جديد تميزك