[وائل شكرى]

المشاركة الأصلية كتبت بواسطة mig25 عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

انا النهاردة جاتلى الحوالة على شركة تحويل اموال بس للاسف فرعها القريب منى مقفول مش عارف ليه

و بما انى محتاج الفلوس اوووووووووووووووى رحت فرعه اللى فى المطار



المهم ظبطت هدومى و جهزت الموتور و نزلت و رحت و دخلت المطار

المهم اخدت الفلوس الموقف ايتدى من هنا


كنت جعان موت فقولت اروح اى مطعم و اكل و اروح

و بعد ما طلبت الاكل و قاعد مستنى

لقيت واحد من ظباط المطار جالى و قالى تعالى لو سمحت

فسالته فى مشكلة رد عليا و قالى تعالى من سكات انا ركبى سابت و قلت فى مصيبة


رحت مكتب كبير و لقيت رتبة جيالى

فسألنى ايه علاقتك بتفجيرات العاصمة

رد :- تفجيرات ايه

الظابط :- التفجيرات اللى حصلت شهر فبراير اللى فات

رد:- انا جاى هنا ادرس و بعدين انا مش بنزل العاصمة غير يوم الجمعة بس

الظابط :- طب انت ايه اللى جابك المطار مسافر ؟

رد:- انا جيت استلم فلوس و الورق اهو اللى يثبت دا و انا مش مسافر

الظابط:- احنا جت لنا اشارة من وزارة الداخية ان فى شخص فى نفس مواصفاتك بيخطط لتفجير المطار

رد:- يا نهار مش معدى طب طلعونى من هنا و حققوا معايا ان شاء الله فى الشارع

الظابط :- خايف على عمرك اوى كدا ؟

رد :- لا خايف على الموتور دا لسه عليا 500 دلار متسددوش

الظابط :- انت ايطالى و لا تركى ؟

رد:- لا مصرى و وريته جواز السفر و االبطاقة و الاقامة و الرخصة

الظابط على طول رفع السمعة و كلم مدير امن السفارة المصرية و طلب منه الذهاب لى وزارة الداخلية فى ولاية nergri sembilan


و طلع الظابط اللى معرفلوش رتبة و اتسبت لوحدى زى ال --- لحوالى 4 ساعات

و بعد كدا دخل الظابط و فالى ااسفين و رجعلى حاجاتى و طلب منى انى اروح معاه لمكتب رئيسه فى العمل لاكتشف

1- وجود ناس من السفارة المصرية للاسف اعرفهم بحكم انى كنت بخلص ورق و كونت صداقات معاهم لانى معرفش مصريين كتير


2- طلع ممسكوك 3 طلاب من الجامعة اللى انا فيها فى المطار ممسكوين قبلى و طلع عينهم


المهم طلعت و خلص الموضوع وانا راجع من المطار لقيت لجنة و امسكت مع انى معايا رخصة

ورحت القسم وهاتك يا تحقيق و احلف على الميا تجمد و انا مكنتش عارف انا بيحصى كدا ليه


و بعد 3 ساعات تحقيق طلعت و قلت انا اجرى على البيت بدل ما الاقى الاف بى اى مسكنى



المهم وصلت الجامعة و لقيت المصيبة الكبيرة


وحدات خاصة و شرطة و صحافة

انا قلت كل دول عشانى

رحت كلمت ظابط كدا برتبة ملازم قلتلوا هوا فى ايه؟

قالى انت مالك ؟

رد عليه انا طالب فى الجامعة دى ((ياريتنى ما قلت ))

و اتمسكت و هاتك يا تفتيش ؟

و لقيت الظابط بيقولى انفخ فى الكيس دا و نفخت مش عارف ليه ؟

و شاف جوازى و رخصتى و قالى معلش اصل فى حملة مفاجاة على 7 جامعات بس لقوا قى جامعتى 45 طالب بيتعاطوا مخدرات و 4 تجار مخدرات و ان فى تاجر رافض يسلم نفسه و البوليس كلم القوات الخاصة قولتلوا بس شكرا



كل دا فى يوم واحد حد حصلوا كدا قبل كدا

انا ليا استفسار واحد علشان اقتنع شويه بالموضوع ده .

انت بتقول ان الظابط الرتبه سألك انت ايطالى ولا تركى صح ؟

و بتقول كمان انهم مسكو فى المطار 3 طلاب من جامعتك ؟

اللى عايز اعرفه بقا ازاى اخدزك و هما اصلا ميعرفوش جنسيتك ايه ؟ و الحاجه التانيه ازاى عرفوه ان انت طالب فى نفس الجامعه اللى مسكوه منها 3 فى المطار ؟

اولا يا سيدى الفاضل لما تكون رتبه كبيره زى ما انت بتقول و يجيبو واحد علشان موضوع خطير زى موضوع التفجيرات دى يبقا كلام الظابط ده مبنى على معلومات قويه و اكيد هياخدوك من البيت او من الجامعه مش هياخدوك من المطار و بالصدفه من غير حتى ما يعرفو جنسيتك ايه ههههههههههههههه

صح ولا انا بتكلم كلام غلط